Սև ծովում այրված երկու նավի անձնակազմի որոնողական աշխատանքներն իրականացնում է հինգ նավ:
Սև ծովում փնտրում են հրդեհված երկու նավերի` անհետ կորած 9 նավաստիներին
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ: Խոշոր հրդեհից հետո 9 մարդ համարվում է անհետ կորած: Այդ մասին հայտնում է tert.am-ը:
Աղբյուրի փոխանցմամբ` երեքշաթի առավոտյան որոնողական աշխատանքներին կներգրավվեն նաև ուղղաթիռներ: Նովոռոսիյսկի փրկարարական ծառայությունից հայտնել են, որ գիշերը եղանակը վատացել է, սկսվել է անձրև, ամպրոպ և ուժեղ քամի: Բարձր ալիքների առկայությունը դժվարացրել են Որոնողական աշխատանքները: Վատ եղանակը թույլ չի տալիս նաև տուժածներին ափ հասցնել:
Կերչի նեղուցում այրված «Մաեստրո» և «Կանդի» նավերի վրա ընդհանուր առմամբ գտնվել է 35 մարդ` հիմնականում Թուրքիայի և Հնդկաստանի քաղաքացիներ:
Պաշտոնական տվյալներով` երկու նավի վրա բռնկված հրդեհի հետևանքով զոհվել է 11 մարդ, 9-ին` փնտրում են, 15-ին փրկել են և տեղափոխում են Ղրիմի հիվանդանոցներ: