Artsakhpress

Մշակույթ

Կազմակերպվել է հուշ-ցերեկույթ՝ նվիրված Սիլվա Կապուտիկյանի ծննդյան 100-ամյակին

Այսօր՝ հունվարի 22-ին, Արցախի գրողների միության նախաձեռնությամբ Գրիգոր Նարեկացի համալսարանում տեղի է ունեցել հուշ-ցերեկույթ՝ նվիրված հայ գրող ու բանաստեղծուհի, արձակագիր, հրապարակախոս, ԽՍՀՄ պետական մրցանակի դափնեկիր Սիլվա Կապուտիկյանի ծննդյան 100-ամյակին:

Կազմակերպվել է հուշ-ցերեկույթ՝ նվիրված Սիլվա Կապուտիկյանի ծննդյան 100-ամյակին

Կազմակերպվել է հուշ-ցերեկույթ՝ նվիրված Սիլվա Կապուտիկյանի ծննդյան 100-ամյակին
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել Գրիգոր Նարեկացի համալսարանի ռեկտոր, Արցախի գրողների միության նախագահ Վարդան Հակոբյանը՝ նշելով, որ հայ գրականության մեջ բանաստեղծուհին թողել է իր հետքը:
«Իր գրական վաստակով, իր բանաստեղծություններով և արձակով մեր գրականության մեջ Ս. Կապուտիկյանը նոր սկիզբ դրեց: Անցյալ դարի 50-60-ական թվականներին մեր մեծերից հետո ասպարեզում ի հայտ եկավ մի նոր տաղանդաշատ սերունդ, որի ներկայացուցիչներն էին Սիլվա Կապուտիկյանը, Հովհաննես Շիրազը, Համո Սահյանը, Գևորգ Էմինը, Պարույր Սևակը, Մարո Մարգարյանը, Հրաչյա Հովհաննիսյանը, որոնք նոր լույս բերեցին մեր գրականություն: Ս. Կապուտիկյանը այն գրողն է, ով միավորեց մեր ցրված հայությանը: Նա միակն է, ով ճանապարհորդում էր աշխարհի տարբեր ծագեր, որտեղ կար գեթ մեկ հայ: Նա առաջին հերթին զտարյուն բանաստեղծուհի է, ով հաստատեց իր տեղը բազմադարյա հարուստ քնարերգության մեջ: Գրողը անտեսեց բոլոր վտանգները և գրեց մի նոր պատգամ-բանաստեղծություն, որտեղ բարձրացնում էր ազգայինի խնդիրը: Ս. Կապուտիկյանը միաժամանակ առաջին բանաստեղծուհին է, որ արժանացավ ԽՍՀՄ պետական մրցանակի: Նրա 20-ից ավելի ժողովածուները հրատարակվել են ռուսերեն լեզվով: Այսօր էլ ռուս իրականության մեջ նրա անունը բարձր է հնչում»,- ասել է Վ. Հակոբյանը:
Բանաստեղծ Սոկրատ Խանյանն էլ նշել է, որ Ս. Կապուտիկյանը այն գրական երևույթն է, ով կարողացավ մեր ազգային բանաստեղծության գույները տանել դեպի համամարդկային ասպարեզ:
«Նա Արցախի հետ կապված է տարբեր երանգներով: 1958 և ապա 1960 թվականին նա եղավ Արցախի Ճարտար գյուղում, և այնտեղ գրված ակնարկը հետագայում թարգմանվեց ռուսերեն: 1989 թվականին Սիլվա Կապուտիկյանը մեր ժողովրդի հերոս զավակներից է: Նա ծնվել է մեր ժողովրդի հետ հավերժորեն ապրելու, քայլելու և նրա հետ հաղորդակցվելու միտումով»,-  ավելացրել է Ս. Խանյանը:
Ամերիկահայ Լուտովիկա և Հակոբ Այնթափլյանների անվան արևմտահայերենի, հայագիտության գիտահետազոտական կենտրոնի տնօրեն, բանասիրական գիտությունների թեկնածու, դասախոս Ամալյա Գրիգորյանն էլ նշել է, որ  Ս. Կապուտիկյանի պոեզիան խիստ հետաքրքրական է՝ կանացի հոգու ենթաշերտերը բացելու, սիրելու, տանջվելու հոգեբանական խորքի վերծանման ու բացահայտման առումով:
Նրա խոսքով՝ գրողի սիրերգության առանցքը սիրող, չհասկացված սիրո տառապանքները կրող կնոջ հոգեբանական ապրումների զգացումների հույզերի, ինքնաարտահայտումն է՝ զերծ սեթևեթանքներից, կեղծ ելևէջներից:
Միջոցառմանը ցուցադրվել է գրողի գրական գործունեությանը նվիրված տեսաֆիլմ:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախի հյուսիսային և հյուսիսարևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի. ՊԲ

Հանրապետությունում հայտարարվել է մասնակի զորահավաք  

Անհանգստանալու եւ խուճապի մատնվելու կարիք չկա. միայն խնդրում եմ հետեւել բացարձակապես պաշտոնական լրահոսին եւ սադանքների չտրվել

Ադրբեջանական սադրանքի հետևանքով հայկական կողմն ունի մեկ վիրավոր. նրա վիճակը գնահատվում է բավարար

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Մեկնարկել է 40 հազար դրամի չափով աջակցության հայտերի ընդունումը

Արցախի այս կամ այն հատվածում ընթացող թեժ մարտերի մասին շրջանառվող տեղեկություններն իրականությանը չեն համապատասխանում. ՊԲ

Նախագահ Հարությունյանն ուժային կառույցների պատասխանատուների մասնակցությամբ խորհրդակցություն է հրավիրել

Search