Թուրքիայի նախագահ Ռեջեփ Թայիփ Էրդողանին չպետք է ընդունեն ԱՄՆ-ում քանի դեռ նա ներողություն չի խնդրել իր թիկնապահների վարքագծի համար։
Կոնգրեսականներ․ Էրդողանը պետք է ներողություն խնդրի իր թիկնապահների վարքագծի համար
ՍՏԵՓԱՆԱԿԵՐՏ, 19 հուլիսի, ԱՐՑԱԽՊՐԵՍ: Այս մասին հայտնել է կոնգրեսական Դանա Ռոխրաբախերը, ելույթ ունենալով Վաշինգտոնում խոսքի ազատության պաշտպանությանը նվիրված բողոքի ակցիայի ժամանակ, որը կազմակերպել էին Վաշինգտոնում Էրդողանի թիկնապահների հարձակումից տուժածները։
«Մենք կանգ չենք առնի, քանի դեռ Թուրքիայում ստեղծված բռնապետության դեմ հաղթանակ չտարվի»,- հայտնել է նա։ Ռոխրաբախերը շեշտել է, որ Էրդողանը Վաշինգտոնում ծեծել է մարդկանց, բայց դա ոչինչ է այն դաժանության համեմատ, որը նա դրսեւորում է Թուրքիայում իր սեփական ժողովրդի նկատմամբ։
Թուրքիայի ժողովրդին առաջնորդում է «մի մարդ, որը ուզում է Թուրքիան վերածել իսլամական բռնապետության»։ Նրա կարծիքն աջակցել է նաեւ կոնգրեսական Թեդ Պոն։ Նրա խոսքով Վաշինգտոնում տեղի ուենցած միջադեպի մասնակիցները պետք է պատասխանատվության ենթարկվեն, իսկ Էրդողանը պետք է ներողություն խնդրի։ «Տագնապահարույց է, որ մարդը վերցրել է Թուրքիայի քաղաքացիների մի խմբի ու երկիրը բռնապետության վերածել»։
Հիշեցնենք, որ Վաշինգտոնի ոստիկանությունը տրամադրել է 18 անձի կալանավորման օրդեր՝ Վաշինգտոնում մայիսի 16-ին խաղաղ ցուցարարների վրա հարձակվելու մեղադրանքով։ Այդ 18 անձերից են անվտանգության 9 աշխատակիցներ ու 3 թուրք ոստիկաններ։
