Ամերիկացի ռեժիսոր Ջոն Միլանոն նկարահանել է «Ծղոտե տիկնիկներ» (Straw Dolls) ֆիլմը, որը նվիրված է 1915թ. Հայոց ցեղասպանությանը, գրում է armenianweekly.com-ը։
«Ծղոտե տիկնիկներ». ամերիկացի կինոռեժիսորը նկարահանել է նոր ֆիլմ Ցեղասպանության մասին
ՍՏԵՓԱՆԱԿԵՐՏ, 18 ՀՈՒՆՎԱՐԻ, ԱՐՑԱԽՊՐԵՍ։ «Ես մեծացել եմ Նյու Ջերսիում՝ հայկական հզոր համայնքի հարևանությամբ։ Ձեր ընկերները մեծ ազդեցություն են ունենում ձեզ վրա, ուզեք, թե չուզեք։ Թեև ես չեմ ծնվել այդ մշակույթում, սակայն շատ լավ հասկանում եմ և ընդունում եմ այդ պատմությունը»,- նշել է ռեժիսորը։
Միլանոն ներկայացրել է 2 տարի տևած աշխատանքի մանրամասները՝ նշելով, որ Թուրքիան չի ընդունում այդ վայրագությունները, բայց, այնուամենայնիվ, ֆիլմում իրենց նպատակն է եղել ոչ թե բողոքել թուրքական կառավարության դեմ, այլ պատմել այն, ինչը Հոլիվուդն անտեսում է։
Ռեժիսորը պատմել է, որ ցանկացել է ներկայացնել եղելությունը 100% ճշտությամբ, և այն բոլոր պատմությունները, որոնք ներկայացված են, իրականություն են։ Նկարահանումներին նախորդած ուսումնասիրություններում ներառվել են հարյուրավոր ամսագրեր, լուսանկարներ, Ցեղասպանությունը վերապրածների հարցազրույցներ և գրքեր։
«Ծղոտե տիկնիկներ» ֆիլմի պրեմիերան նախատեսված է 2015թ. ապրիլի 24-ին Լոս Անջելեսում և Երևանում։
