Գերմանիայի պաշտպանության նախկին նախարար Ուրսուլա ֆոն դեր Լյայենի՝ Եվրահանձնաժողովի նախագահ ընտրվելուց հետո նախկին պաշտոնին հրաժեշտ տալու արարողության ժամանակ զինվորական նվագախումբը կկատարի Scorpions խմբի Wind of Change ստեղծագործությունը:
Գերմանիայի պաշտպանության նախարարը պաշտոնից կհեռանա Scorpions խմբի Wind of Change երգի ներքո
ՍՏԵՓԱՆԱԿԵՐՏ, 12 օգոստոսի, ԱՐՑԱԽՊՐԵՍ: Այդ մասին օգոստոսի 11-ին հայտնել է Tert.am-ը:
«Պաշտպանության նախկին նախարար Ուրսուլա ֆոն դեր Լյայենը պաշտոնից հեռանալու արարողության ժամանակ կլսի Scorpions խմբի Wind of Change երգը»,- ասված է հաղորդագրության մեջ:
Ավանդույթի համաձայն՝ նախկին նախարարը կարող է ընտրել երեք երաժշտական ստեղծագործություն: Բացի Scorpions խմբի 1991 թվականի հիթից (խումբը, ի դեպ, ստեղծվել է իր հայրենի Հանովերում), Ֆոն դեր Լյայենը ցանկություն է հայտնել ունկնդրել Լյուդվիգ վան Բեթհովենի Իններորդ սիմֆոնիայից Ode an die Freude («Ձոն ուրախության») Եվրոպայի օրհներգը և Մոցարտի Ave Verum ստեղծագործությունը:
Հաղորդվում է, որ «Մայրամուտ» անվանումով հայտնի արարողությունը Բունդեսվերի բարձրագույն ռազմական արարողությունն է, որին մասնակցում են Գերմանիայի կանցլերը և նախագահը:
Ավելի վաղ հաղորդվել էր, որ Գերմանիայի պաշտպանության նախարար Ուրսուլա ֆոն դեր Լյայենը կզբաղեցնի Եվրահանձնաժողովի նախագահի պաշտոնը: Նա կփոխարինի Ժան-Կլոդ Յունկերին և կդառնա այդ պաշտոնին ընտրված առաջին կինը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -22-:
