Ստեփանակերտի թիվ երեք ընտրատարածքի 3-րդ ընտրատեղամասում քիչ առաջ իր ընտրությունը կատարեց ԼՂՀ Նախագահ Բակո Սահակյանը, ով ընտրատեղամաս էր այցելել տիկնոջ ուղեկցությամբ:
Նախագահ Սահակյանը կատարել է իր ընտրությունը
ՍՏԵՓԱՆԱԿԵՐՏ, 3 ՄԱՅԻՍԻ, ԱՐՑԱԽՊՐԵՍ։ «Աիցախպրես»-ի հաղորդմամբ ՝ ընտրություն կատարելուց հետո լրագրողների հետ ճեպազրույցում Նախագահն ասաել է.« Չնայած այն հանգամանքին, որ ԼՂՀ ընտրությունները միջազգային ճանաչում չեն ստանում, դա դեռ չի նշանակում, թէ արցախցին հուսահատվում է:
Այս տարիների ընթացքում բազմիցս ցուցաբերել ենք հաստատակամություն, վճռականություն և կամքի ուժ, և դա մեզ օգնել է հաղթահարելու դժվարությունները: Այս խորհրդարանական ընտրություններն իրենց էությամբ առանձնահատուկ են, քանի որ նպատակ են հետապնդում նպաստելու հաջողությունների արձանագրմանը:
Ընտրությունների ադյունքում կունենանք ավելի կայացած խորհրդարան, ուր արհեստավարժ պատգամավորներն իրենց օրենսդիր գործունեությամբ արդյունավետորեն կնպաստեն մեր երկրի զարգացմանը»,- ասոել է Բակո Սահակյանը և հավելելով, որ ԼՂՀ իշխանությունները ընտրությունների անցկացմանը մոտեցել են այդ սկզբունքով, որ պահպանվեն քաղաքակիրթ աշխարհի կողմից սահմանված բոլոր կանոնները:
«Բայց եթե միջազգային հանրությունը չի ճանաչելու ընտրությունների արդյունքը, դա դեռ չի նշանակում, թե մենք չենք կարևորում այս ընտրությունները.դրանք առաջին հերթին անհրաժեշտ են մեր երկրին ու մեր քաղաքցիներին»,-եզրափակել է խոսքը ԼՂՀ նախագահը:
