Կովկասյան տարածաշրջանը չպետք է վերածվի արտատարածաշրջանային երկրների մրցակցության դաշտի, առկա հարցերը պետք է լուծեն տարածաշրջանի երկրները՝ առանց այլ կողմերի միջամտության, ասել է Իրանի նախագահ Էբրահիմ Ռաիսին՝ ՀՀ վարչապետ Նիկոլ Փաշինյանի հետ զրույցում։
Հրվ. Կովկասը չպետք է վերածվի արտատարածաշրջանային երկրների մրցակցության դաշտի. Իրանի նախագահ
ՍՏԵՓԱՆԱԿԵՐՏ, 21 դեկտեմբերի, ԱՐՑԱԽՊՐԵՍ։Այս մասին գրում է Tert.am-ը:
«Իրանի Իսլամական Հանրապետությունն աջակցում է տարածաշրջանում հաղորդակցության ուղիների և ենթակառուցվածքների բացման ցանկացած տեսակի գործողությունների և հարթակի՝ հարգելով բոլոր երկրների ազգային ինքնիշխանության և տարածքային ամբողջականության սկզբունքը և դա համարում է արդյունավետ քայլ խաղաղության ամրապնդման և հարևանների շահերի ապահովման ամրապնդման ուղղությամբ»,- ասել է Ռաիսին:
«Կովկասի նկատմամբ Իրանի Իսլամական Հանրապետության արտաքին քաղաքականությունը կայուն է: Հարևանների հետ հարաբերությունների զարգացումը և փոխադարձ շահերի ապահովման համար հարաբերությունների ամրապնդումն Իրանի Իսլամական Հանրապետության հիմնարար քաղաքականությունն է»,- ընդգծել է նա: