Արցախի զինված ուժերում հունիսի 1-ից մեկնարկել են համաբանակային շտաբային զորավարժություններ, որին մասնակցում են ՊԲ վարչությունը, միավորումների, զորամասերի և գումարտակների հրամանատարական կազմը, շտաբներն ու ղեկավարման մարմինները:
Արցախի զինված ուժերում մեկնարկել են համաբանակային շտաբային զորավարժությունները
ՍՏԵՓԱՆԱԿԵՐՏ, ՀՈՒՆԻՍԻ 2, ԱՐՑԱԽՊՐԵՍ: ԼՂՀ պաշտպանության նախարարության մամուլի ծառայության փոխանցմամբ՝ զորավարժության նպատակն է կատարելագործել զինված ուժերի ղեկավարման համակարգը, հրամանատարների ու շտաբների գործնական ունակությունները, դրանց պատրաստության և փոխգործակցության մակարդակը, ինչպես նաև բարձրացնել բոլոր օղակի ղեկավարման մարմինների մարտավարամասնագիտական կարողություններն ու բարոյահոգեբանական հատկանիշները, դաշտային վարժվածության մակարդակը: