2015 թվականի երկրորդ եռամսյակում Թուրքիայի զբոսաշրջության ոլորտից ստացվող եկամուտները նվազել են 13.8 տոկոսով՝ համեմատած նախորդ տարվա հաշվետու ժամանակահատվածի հետ, և կազմել են 7.73 միլիարդ դոլար։
Թուրքիայի զբոսաշրջային եկամուտները զգալիորեն պակասել են
ՍՏԵՓԱՆԱԿԵՐՏ, ՀՈՒԼԻՍԻ 31, ԱՐՑԱԽՊՐԵՍ: Թուրքական Anadolu լրատվական գործակալության փոխանցմամբ՝ այդ մասին են վկայել Թուրքիայի վիճվարչության (TÜİK) տվյալները։ Դրանց համաձայն՝ այս տարվա երկրորդ եռամսյակին Թուրքիա ժամանած զբոսաշրջիկների 86.7 տոկոսն օտարազգիներ են, իսկ մնացյալ 13.3 տոկոսը՝ արտասահմանաբնակ թուրքեր։ Ընդհանուր առմամբ, երկրորդ եռամսյակում Թուրքիա ժամանած զբոսաշրջիկը միջին հաշվով ծախսել է 719 դոլար։ Օտարազգի զբոսաշրջիկի դեպքում այդ ցուցանիշը կազմել է 691 դոլար, իսկ արտասահմանափակ թուրքերի դեպքում՝ 921 դոլար։
Երկրորդ եռամսյակում Թուրքիա է ժամանել 10.751.351 զբոսաշրջիկ, ինչը 2 տոկոսով զիջում է նախորդ տարվա նույն ժամանակահատվածի ցուցանիշին։
2014 թվականին Թուրքիա է այցելել 41.415.000 զբոսաշրջիկ: 2014 թվականին Թուրքիայի զբոսաշրջային եկամուտները կազմել են 34 միլիարդ և 305 միլիոն դոլար: 2013 թվականին զբոսաշրջությունից ստացված եկամտի չափն առաջին անգամ գերազանցել է 30 միլիարդ դոլարի սահմանագիծը՝ հասնելով 32.310.424.000 դոլարի: 2004-2013 թվականներին Թուրքիա է այցելել նրա բնակչությանը մոտ 4 անգամ գերազանցող մարդ՝ 302.6 միլիոն մարդ: