Եվրոպայի խորհրդի գլխավոր քարտուղար Թյորբյորն Յագլանդը կպահանջի Ադրբեջանի իշխանություններից Լեյլա և Արիֆ Յունուսների դեմ կայացրած վճռի ամբողջական մանրամասները և մեղադրյալների դեմ ներկայացված փաստացի ապացույցները:
ԵԽ գլխավոր քարտուղարը կարծում է, որ Յունուսների գործը պետք է քննվի ՄԻԵԴ-ում
ՍՏԵՓԱՆԱԿԵՐՏ, օգոստոսի 11, ԱՐՑԱԽՊՐԵՍ: ԵԽ գլխավոր քարտուղարի գրասենյակի հաղորդմամբ, հիմք ընդունելով Ադրբեջանի դատական համակարգում առկա համակարգային խնդիրները և իրավապաշտպանների ու լրագրողների դեմ դատական գործերի շատացման մտահոգիչ միտումը` Յագլանդը կարծում է, որ Յունուսների դեմ կայացված վճիռն ի վերջո պետք է քննվի Մարդու իրավունքների եվրոպական դատարանի կողմից:
ԵԽ գլխավոչ քարտուղարը նաև շեշտել է, որ Ադրբեջանում նման զարգացումները բացասական ազդեցություն են ունենում նաև խոսքի և արտահայտման ազատության ընդհանուր իրավիճակի վրա:
Ավելի վաղ Բաքվի ծանր հանցագործությունների դատարանը Ադրբեջանի խաղաղության եւ ժողովրդավարության ինստիտուտի տնօրեն, իրավապաշտպան Լեյլա Յունուսին դատապարտել է 8,5, նրա ամուսնուն` պատմաբան-գիտնական Արիֆ Յունուսին` 7 տարվա ազատազրկման: Արիֆ Յունուսը մեղավոր է ճանաչվել Ադրբեջանի քրեական օրենսգքրի «խոշոր չափերի հասնող վնաս պատճառելու խադախության» մեջ: Լեյլա Յունուսը մեղավոր է ճանաչվել «խոշոր չափերի խարդախության», «ապօրինի ձեռնարկատիրության», «հարկերից խուսափելու, «փաստաղթերի կեղծման» հոդվածներով:
