Վրաստանում հայերի շուրջ 32% նվազեցումը «երկքաղաքացիություն» ընդունելու հետևանք է. Վան Բայբուրդ
Վրաստանում հայերի շուրջ 32% նվազեցումը «երկքաղաքացիություն» ընդունելու հետևանք է. Վան Բայբուրդ
ՍՏԵՓԱՆԱԿԵՐՏ, 2 մայիսի, ԱՐՑԱԽՊՐԵՍ: -Վրաստանում հրապարակել են 2014 թվականին անցկացված մարդահամարի արդյունքները, ըստ որոնց` 12 տարվա ընթացքում Վրաստանում հայերի թիվը նվազել է 80 829-ով կամ 32 տոկոսով: Ըստ որում, 1989 թ. մարդահամարի հետ համեմատած, հայերի թիվը կրճատվել է մոտ 61 տոկոսով: 2-րդ էթնիկ խմբի` ադրբեջանցիների թիվը ևս կրճատվել է, սակայն ոչ այն համամասնությամբ, որքան հայերինը: Ինչի՞ հետևանք եք սա համարում:
-Ես կասեի, որ այդ 32 տոկոսը վերցնում եք 2002 թվականից, բայց մարդահամար ամեն 5 տարին մեկ անցկացվում է, և ըստ այդ տվյալների ամենաբարձր տոկոսը ազգությամբ հայերինն է: Հիմա աշխարհում միգրացիոն մեծ հոսք կա, ռուսներն ասում են` «великое переселение народов», որը 21-րդ դարում ողջ աշխարհում է զգացվում:
Բայց ես մեր երկրում հայազգի բնակիչների նվազեցումը կապում եմ, առաջին հերթին նրա հետ, որ երբ երկքաղաքացիություն ընդունվեց Հայաստանում հատկապես Սամցխե Ջավախքի բնակիչների զգալի քանակն արտագնա աշխատանքի մեկնելու համար ընդունեցին երկքաղաքացիություն` չիմանալով, որ խախտում են Վրաստանի օրենքը, ըստ որի` դու կարող ես այլ երկրի քաղաքացի լինել` հրաժարվելով Վրաստանի քաղաքացիությունից: Արդյունքում` մի քանի տասնյակ հազար`25 -30 հազար չափ էթնիկ հայեր ընդունել են «երկքաղաքացիություն» և զրկվել են Վրաստանի քաղաքացիությունից…
-Բայց շարունակում են ապրել Վրաստանո՞ւմ:
- Իհարկե, շարունակում են ապրել։ Հիմա դիմել են Վրաստանի կառավարությանը, որ վերականգնվի իրեն քաղաքացիությունը: Ես կարծում եմ, որ նվազեցման կեսից ավելին այդ պատճառով է: Բայց նորից եմ կրկնում` զարմանում եմ այդ տվյալների վրա, միգուցե այնքան էլ ճիշտ չեն… չգիտեմ:
-Պարոն Բայբուրդ, ասում են, որ կա միտում, որ Վրաստանում ադրբեջանական համայնքը սկսել է ավելի գերիշխող դառնալ ոչ միայն քանակապես, այլ պետական կառավարման ոլորտում ներկայացվածության առումով:
-Ես այդպես չէի ասի, Վրաստանում փոքրամասնությունների ներկայացուցիչ հայերի և ադրբեջանցիների մասնակցությունը ամբողջությամբ բալանսավորված է. որքան ներկայացուցիչ մենք ունեն իշխանության մեջ, նույնքան էլ նրանք ունեն: Այդ բալանսը չի խախտվում և այդ առումով տագնապի առիթ չկա: Վրաստանը ազատ երկիր է էկոնոմիկայի առումով, գիտեմ, որ Վրաստանում իրենց բիզնեսն ունեն և՛ հայ, և՛ ադրբեջանցի գործարարներ ու ընկերություններ: Այդ առումով ամեն ինչ պայմանավորված է նրանով, թե ով ինչքան է ներդնում: Եվ չմոռանանք, որ ինվեստիցիան կախված է մարդու ցանկությունից:
-Հայաստանում պատերազմ սկսվելուց հետո ողջ աշխարհի հայությունը Հայաստանի ու Արցախի հետ է. կոչեր, հայտարարություններ, նախաձեռնություններ, օգնություններ, կամավորներ էին գալիս աշխարհի տարբեր ծագերից: Վիրահայերն այս առումով ի՞նչ են արել:
- Ոչ ոք կասկածի առիթ չի տվել, վիրահայերն էլ չեն տվել և Հայաստանում գիտեն, որ կային ու կան ցանկացողներ, որոնք պատրաստ էին գնալ, հավաքում էին գումարներ,օգնություն:
