Թուրքիայի խորհրդարանի խմբակցությունները Գերմանիայի Բունդեսթագի կողմից Հայոց ցեղասպանության մասին բանաձևի ընդունմանը միասնական արձագանք են տալու։
Քրդամետ կուսակցությունը չի միանա Բունդեսթագի ընդունած բանաձևի վերաբերյալ Թուրքիայի խորհրդարանի խմբակցությունների ընդհանուր հայտարարությանը
ՍՏԵՓԱՆԱԿԵՐՏ, 2 հունիսի, ԱՐՑԱԽՊՐԵՍ: Ինչպես տեղեկացնում է թուրքական «Սաբահ» թերթի կայքը, խորհրդարանական «Արդարություն և զարգացում», «Ժողովրդա-հանրապետական» և «Ազայնական շարժում» խմբակցությունները համատեղ հայտարարություն են նախապատրաստում։
Նշվում է, որ քրդամետ «Ժողովուրդների դեմոկրատիա» կուսակցությունը համատեղ հայտարարությունը չի ստորագրելու։
Քրդամետ կուսակցության տարբեր ներկայացուցիչներ բազմիցս խոսել էին Հայոց ցեղասպանության մասին, ներողություն խնդրել դրան իրենց պապերի մասնակցության համար։
Հիշեցնենք, որ այսօր Գերմանիայի խորհրդարանը ձայների ճնշող մեծամասնությամբ ընդունել է Հայոց ցեղասպանության մասին բանաձևը։ Դրան դեմ է արտահայտվել ընդամենը մեկ պատգամավոր։ Եվս մեկը ձեռնպահ է քվեարկել։