Ուկրաինայի հայերի միության (ՈւՀՄ) միջոցառումների շրջանակներում հունիսի 30-ին Ժիտոմիրում Ուկրաինական մշակույթի տանը տեղի Է ունեցել Ուկրաինայում հայկական գրատպության 400-ամյակին նվիրված ցուցահանդեսի բացումը:
Ժիտոմիրում բացվել Է Ուկրաինայում հայկական գրատպության 400-ամյակին նվիրված ցուցահանդեսը
ՍՏԵՓԱՆԱԿԵՐՏ, 30 հունիսի, ԱՐՑԱԽՊՐԵՍ-ԱՐՄԵՆՊՐԵՍ: ՈւՀՄ-ի պատմամշակութային ժառանգության հարցերի կոմիտեի ղեկավար Դավիթ Դավթյանը միջոցառման մասնակիցներին փոխանցել Է կազմակերպության նախագահ Վիլեն Շատվորյանի ողջույնի խոսքերը:
Դավթյանը հանգամանորեն ներկայացրել Է ցուցադրանքը, որը ներառում Է Ուկրաինայի հայերի բազմադարյա պատմության եւ մշակույթի այնպիսի վկայություններ, ինչպիսիք են Լվովի հայկական գրատպության նյութերը, Սոֆյա Կիեւսկայայի գործերը, հայկական հրաշագործ սրբապատկերները:
Ցուցահանդեսը կազմակերպվել Է Ուկրաինայի հայերի միության պատմամշակութային ժառանգության կոմիտեի, Ժիտոմիրի «Էրեբունի» հայկական համայնքի եւ Ուկրաինական մշակույթի տան կոլեկտիվի համատեղ ջանքերով:
Ցուցահանդես են այցելում Ժիտոմիրի հայ համայնքի, ինչպես նաեւ քաղաքի բելառուսական, չեխական, ռումինական համայնքների ներկայացուցիչները: Ցուցահանդեսը Ուկրաինական մշակույթի տան այցելուների համար բաց կլինի մինչեւ հուլիսի 12-ը:
Ինչպես արդեն հաղորդվել Է, այս տարի լրանում Է Ուկրաինայում հայկական գրատպության 400-ամյակը: Լվով քաղաքը հայկական գրատպության չորրորդ կենտրոնն Է դարձել Վենետիկից, Կոնստանդնուպոլսից եւ Հռոմից հետո:
Լվովում տպագրված առաջին հայկական գիրքը դարձել Է «Դավթի սաղմոսը», որը հրատարակվել Է 1616 թվականի դեկտեմբերի 15-ին:
Ուկրաինայում հայկական տպագրության 400-ամյակին նվիրված թեմատիկ միջոցառումներ են կազմակերպված հանրապետության տարբեր տարածաշրջաններում:
Հիշեցնենք, որ Ուկրաինայի հայերի միությունը ակտիվ աշխատանք Է կատարում ազգային պատմական արժեքների տարածման ուղղությամբ: Ինչպես նշել Է ՈւՀՄ-ի նախագահ Վիլեն Շատվորյանը, «գիտությունն ավանդաբար գտնվում Է մեր կազմակերպության ուշադրության կենտրոնում»: