ՍՏԵՓԱՆԱԿԵՐՏ, 9 հուլիսի, ԱՐՑԱԽՊՐԵՍ: Այն բանից հետո, երբ հայտի դարձավ «Ալաշկերտի»` երկրորդ փուլ մտնելու մասին, մայրաքաղաքային ակումբը հայտարարեց դեպի Թբիլիսի հայ երկրպագուների անվճար ուղևորության կազմակերպման մասին:
«Ալաշկերտի» մամուլի ծառայությունից հայտնեցին, որ այս պահի դրությամբ ուղևորության հայտ են ներկայացրել մոտ 100 մարդ: Հիշեցնենք, որ երևանյան ակումբն ապահովում է ավտոբուսով Երևան-Թբիլիսի-Երևան անվճար ուղևորություն, ինչպես նաև «Դինամո» – «Ալաշկերտ» խաղի անվճար տոմս:
Բոլոր մեկնել ցանկացողները պետք է մինչ հուլիսի 11-ը դիմեն «Բագրատ տուր» տուրիստական գործակալության գրասենյակ, որը գտնվում է Երևան քաղաքի Սարյան 25 հասցեում:
Մեծ հավանականություն կա, որ Վրաստանում «Ալաշկերտին» կաջակցեն հայկական համայնքի ներկայացուցիչները:
«Դինամո» – «Ալաշկերտ» մրցավեճը կկայանա Բորիս Պայչաձեի անվան մարզադաշտում: Խաղը կսկսվի Երևանի ժամանակով 21:00-ին