Թուրքիայի կառավարությունը խոչընդոտում է երկրի հարավ-արևելյան մասի բնակիչների հանդեպ ենթադրվող իրավունքների ոտնահարման վերաբերյալ անկախ հետազոտությունների անցկացմանը:
Human Rights Watch. Թուրքիան խոչընդոտում է անկախ հետազոտությունների անցկացմանը
ՍՏԵՓԱՆԱԿԵՐՏ, 11 հուլիսի, ԱՐՑԱԽՊՐԵՍ: Այս մասին հաղորդում է Hurriyet Daily News-ը՝ հղում անելով Human Rights Watch միջազգային իրավապաշտպան կազմակերպության տարածած հայտարարությանը։
«Կառավարությունը պետք է ՄԱԿ-ի Մարդու իրավունքների հարցերով գերագույն հանձնակատարի գրասենյակին անհապաղորդեն տարածքը բոլոր չափանիշներին համապատասխան հետազոտելու իրավունք տրամադրի»,- հաղորդվում է Human Rights Watch-ի կայքում։
Նշվում է, որ տվյալ հարցում ամենամեծ խնդիրներից մեկն իրավազուրկ ճանաչված Քուրդիստանի աշխատավորական կուսակցության դեմ ուղղված գործողությունների ընթացքում Թուրքիայի մի շարք քաղաքներում պարետային ժամի կիրառումն է, ինչը խոչընդոտում է կազմակերպությունների, լրագրողների և իրավապաշտպանների բնականոն աշխատանքը։
Human Rights Watch-ի ներկայացուցիչն ասել է, որ իշխանություններն ուղղակիորեն արգելում են իրավապաշտպան մարմինների աշխատանքն ու դրանով իսկ ոտնահարում մարդկանց իրավունքները։