Իրանը մտադիր Է համատեղ հանձնաժողովի՝ մոտ ապագայում Վիեննայում կայանալիք հանդիպմանը քննարկել ԱՄՆ-ի կողմից Գործողությունների համատեղ համապարփակ պլանի (ԳՀՀՊ) խախտումները:
Զարիֆը մտադիր Է ԱՄՆ-ի կողմից Գործողությունների պլանի խախտումները քննարկել Վիեննայի հանդիպմանը
ՍՏԵՓԱՆԱԿԵՐՏ, 19 օգոստոսի, ԱՐՑԱԽՊՐԵՍ: Այդ մասին հայտարարել Է երկրի արտաքին գործերի նախարար Մոհամադ Ջավադ Զարիֆը:
«Մենք մտադիր ենք մոտ ապագայում եւս մեկ հանդիպում անցկացնել համատեղ հանձնաժողովի հետ, որի ժամանակ կքննարկվի ԳՀՀՊ-ի գծով ԱՄՆ-ի կողմից չկատարվող պարտականությունները, ինչպես նաեւ այլ հարցեր»,- Զարիֆի խոսքը մեջբերում Է Mehr գործակալությունը:
Ավելի վաղ հաղորդվել Էր, որ Թեհրանի միջուկային ծրագրի վերաբերյալ համաձայնագրի կատարման շուրջ «վեցյակի» եւ Իրանի համատեղ հանձնաժողովի հաջորդ նիստը պլանավորված Է սեպտեմբերին՝ ՄԱԿ-ի Գլխավոր ասամբլեայի 71-րդ նստաշրջանի շրջանակներում:
Իրանի միջուկային ծրագրի վերաբերյալ համաձայնագիրը կնքվել Է 2015 թվականի հուլիսի 14-ին Վիեննայում: ՄԱԿ-ի ԱԽ-ն հուլիսի 20-ին ընդունեց 2231 բանաձեւը՝ ի պաշտպանություն Գործողությունների համատեղ համապարփակ պլանի: Հունվարի 16-ին Իրանն ազատվեց երկրի նկատմամբ սահմանված պատժամիջոցների մեծ մասից, հաղորդել Է ՌԻԱ Նովոստին: