Հայաստանի ֆուտբոլի ազգային թիմի նորանշանակ գլխավոր մարզիչ Բեռնար Շալանդի կածիքով, Հայաստանի այս հավաքականն ունի մեծ ներուժ և կարող է իրագործել «Եվրո-2016»-ի իր երազանքը:
Հայաստանի հավաքականի մարզիչ Շալանդը հավատում է թիմի` Եվրո-2016-ի երազանքի իրագործմանը
Հայաստանի ֆուտբոլի ազգային թիմի նորանշանակ գլխավոր մարզիչ Բեռնար Շալանդի կածիքով, Հայաստանի այս հավաքականն ունի մեծ ներուժ և կարող է իրագործել «Եվրո-2016»-ի իր երազանքը: Մինչ կսկսվեր առաջին հանդիպումը լրագրողների հետ, Հայաստանի ֆուտբոլի ֆեդերացիայի նախագահը Շալանդին նվիրեց ազգային թիմի մարզաշապիկը, որի թիկունքին գրված էր նոր մարզչի ազգանունը: Շվեյցարացի մասնագետն էլ իր հերթին կատակեց` ասելով. «Շալանդյան, Շալանդյան»: «Հայաստանի հավաքականն այսօր չի հաղթի, բայց վաղը կարող է հաղթել: Ես ուսումնասիրել եմ նախորդ շրջանի բոլոր խաղերը:Հավաքականը մեծ ներուժ ունի և կարող է իրագործել այդ մեծ երազանքը»,-«Արցախպրես»-ի հաղորդմամբ, լրագրողների հետ հանդիպման ժամանակ ասաց Շալանդը:Խոսելով պաշտպանության մասին` նորանշանակ մասնագետը փաստեց. «Կարող եմ ասել, որ հավաքականը խնդիրներ ունի պաշտպանությունում: Մենք ունենք ուժեղ հարձակման գիծ: Պաշտպանության ամրապնդման համար մենք պետք է աշխատենք նաև տեղի ֆուտբոլիստների հետ: Մենք պետք է աշխատենք, ինչպես թիմ: Հարձակվողները պետք է վերադառնան և օգնեն թիմին, այդ ժամանակ մենք կունենանք ուժեղ թիմ»:
Շալանդը ներկա է եղել նաև Հայաստանի առաջնության վերջին տուրի խաղերին: «Այո, ես տեսել եմ Հայաստանի առաջանության 3 հանդիպում: Հիմա չեմ ցանկանա վերջնական կարծիք հայտնել: Եթե համեմատենք այլ առաջնությունների հետ, ապա պակասում է արագությունը: Սակայն վաղ է անուններ առանձնացնելը: Բայց ցանկություն ունեմ կազմակերպել ընկերական հանդիպում 21 տարեկանների թիմի և տեղի ֆուտբոլիստների հետ»,-ասաց նա:Անդրադարձ եղավ նաև Եվրո-2016-ի ընտրական փուլին: «Այս խումբը բարդ խումբ է, և, որպես կատակ` հուսով եմ, որ Ռոնալդուն վնասվածք կունենա: Սակայն նման թիմի դեմ խաղալը մեծ մարտահրավեր է: Մենք խաղացել ենք Դանիայի հետ և հաղթել ենք: Կցանկանայի նշել նաև Վարդան Մինասյանի կատարած աշխատանքը: Մենք կարող ենք հաղթել միայն թիմային աշխատանքի շնորհիվ: Չեմ առանձնացնի Հենրիխ Մխիթարյանին կամ Յուրա Մովսիսյանին»: Շալանդը 2001-2007 թվականներին մարզել է Շվեյցարիայի երիտասարդական հավաքականը` այն հասցնելով եվրոպայի առաջնության կիսաեզրափակիչ: Նրա գլխավորությամբ շվեյցարական «Ցյուրիխ» ակումբը դուրս է եկել Չեմպիոնների լիգայի խմբային փուլ: Թիմը 2009թ. դարձել է այդ երկրի չեմպիոն, իսկ «Սյոն» ակումբը Շալանդի գլխավորությամբ դարձել է Շվեյցարիայի գավաթակիր: