Վաշինգտոնում` հոկտեմբերի 26-ին Ամերիկայի հայկական համագումարի Խորհրդի անդամ Անի Թոթահը և գործադիր տնօրեն Բրայան Արդունին մասնակցել են «Մարշալ ժառանգության ինստիտուտի (MLI) 19-րդ ամենամյա Ճանապարհների ականազերծում» խորագրով տոնախմբությանը, որտեղ նրանք հանդիպել են տնօրեններին, աջակիցներին և շներով ականազերծման կորպուսի (K9) արշավի ակտիվիստներին:
Ամերիկայի հայկական համագումարը ներգրավված է Հայաստանում և Արցախում ականազերծման նախաձեռնություններում. aaainc.org
ՍՏԵՓԱՆԱԿԵՐՏ, 2 նոյեմբերի, ԱՐՑԱԽՊՐԵՍ։ Միջոցառմանը հրավիրվել էին ԱՄՆ-ում ՀՀ դեսպանատան աշխատակիցները, այդ թվում՝ փոխդեսպան Հրաչյա Թաշչյանը, երկրորդ քարտուղար Նազելի Համբարձումյանը և հատուկ օգնական Անիտա Իսսաղոլյանը,
Միացյալ Նահանգների ազգային անվտանգության հարցերով խորհրդական, դեսպան Սյուզան Ռայսն հանդես եկել է առանցքային ելույթով, իսկ ազգային հանրային ռադիոյի (NPR) լրատվական թղթակից Թոմ Գժելտենը միջոցառման հանդիսապետն էր:
Ելույթ են ունեցել նաև ԱՄՆ սենատոր Մայք Էնզին (Հանրապետական, Վայոմինգ) և տիկին Դայանա Էնզին, MLI-ի հիմնադիր և նախագահ, գեներալ (պաշտոնաթող) Գորդոն Սալիվանը և Շրի Լանկայի դեսպան Փրասադ Քարիյավասամը:
«Որպես Մարշալ ժառանգության ինստիտուտի ականազերծման ծրագրի շահառու՝ Համագումարը հանձն է առնում օգնել Հայաստանում ականազերծման նախաձեռնություններին՝ ձգտելով ավելի անվտանգ ապագա ապահովել մեր ժողովրդի համար հայրենիքում: Բարձր ենք գնահատում MLI-ի շարունակական աջակցությունը և նվիրվածությունը և հատկապես ականներ հայտնաբերող լրացուցիչ վեց շների ձեռք բերումը, որոնք ուղարկվել են Հայաստան անցյալ տարվա ընթացքում:- ասել է Թոթահը և ավելացրել,- Համագումարի հովանավորած` ականներ հայտնաբերող շների հաջողություններից են Ադրբեջանի հետ Հայաստանի սահմանի շփման գծում տարածքների ականազերծումը, այնպես որ ավելի շատ հողատարածքներ են ազատվել հողագործության, արոտավայրերի և տրանսպորտային նպատակներով օգտագործման, ինչպես նաև ենթակառուցվածքային նախագծերի համար»:
MLI շահույթ չհետապնդող, մարդասիրական կազմակերպությունը հիմնադրվել է 1997 թվականին՝ Մարշալյան նախագծի 50-րդ հոբելյանին: MLI-ն գործում է՝ շարունակելու ԱՄՆ քաղաքական գործիչ Ջորջ Մարշալի ժառանգությունը 21-րդ դարում՝ պատերազմներից և ականներից տուժած երկրներին տրամադրելով անհրաժեշտ գործիքներ և վերապատրաստական աշխատանքներ՝ օժանդակելու նրանց վերակառուցմանը:
Ամերիկայի հայկական համագումարը հիմնադրվել է 1972 թվականին: Այն ամենամեծ համազգային, ոչ կուսակցական, հասարակական կազմակերպությունն է Վաշինգտոնում, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c) (3) կարգավիճակով անդամակցական կազմակերպություն է:
