Ուկրաինայի հայ համայնքի հայտնի գործիչները, արվեստի աշխարհի ներկայացուցիչներն ու մարզիկները Ուկրաինայի հայերի միության շքանշաններով են պարգեւատրվել կազմակերպության հանրագումարային խորհրդաժողովի շրջանակներում:
Կիեւում կայացել Է հայ համայնքի ակտիվ գործիչների պարգեւատրումը
ՍՏԵՓԱՆԱԿԵՐՏ, դեկտեմբերի 16, ԱՐՑԱԽՊՐԵՍ: Այդ մասին հայտնել Է AnalitikaUA.net-ը՝ հղում անելով միության մամուլի ծառայությանը:
Ուկրաինացի ռեժիսոր, սցենարիստ ու պրոդյուսեր Ռոման Բալայանը, Ուկրաինայի ազգային օպերայի մենակատարուհի, Ուկրաինայի վաստակավոր արտիստուհի Սուսաննա Չախոյանը եւ գեներալ-լեյտենանտ Վիլեն Մարտիրոսյանը Ուկրաինայի հայերի միության նախագահ Վիլեն Շատվորյանի կողմից պարգեւատրվել են «Համայնքի ակտիվ գործիչ» շքանշանով: Հայ հայտնի մեկենաս Ֆելիքս Պետրոսյանը պարգեւատրվել Է միության «Սուրբ Գրիգոր Լուսավորիչ» շքանշանով:
Մարզական ծանրակշիռ նվաճումների եւ Ուկրաինայի սպորտի զարգացման գործում ներդրած անձնական ավանդի համար շնորհակալագրերով պարգեւատրվել են 2016 թվականին հաջողություններ արձանագրած մարզիկներ, նրանց թվում՝ Եվրոպայի կարատեի չեմպիոնուհի Կարինա Հայրապետյանը, հունահռոմեական ըմբշամարտի 2016 թվականի եվրոպայի երիտասարդական առաջնության արծաթե մրցանակակիր Ժորա Աբովյանը, մարտական սամբոյի Եվրոպայի չեմպիոն Լեւոն Հակոբյանը եւ ուրիշներ:
Նաեւ կազմակերպության պատվոգիր Է հանձնվել Ուկրաինայի սուսերամարտի հավաքականի գլխավոր մարզիչ Գառնիկ Դավիդյանին: Երիտասարդական կազմակերպության զարգացման դրամաշնորհի Է արժանացել Դնեպրոպետրովսկի մարզի հայ երիտասարդությունը, Ուկրաինայի հայերի միության պատվոգրերով պարգեւատրվել են կազմակերպության կանանց կոմիտեի եւ կրթության կոմիտեի անդամները:
Ինչպես հայտնի Է, Ուկրաինայի հայ համայնքն ամենախոշորներից ու կազմակերպվածներից մեկն Է: Հայերը նկատելի տեղ են գրավում Ուկրաինայի պատմության մեջ: Ժամանակակից Ուկրաինայի տարածքում հայերի հայտնվելը թվագրվում Է 11-12-րդ դարերով: Ուկրաինական հողերում գտնվելու բազմադարյա պատմության ընթացքում հայերն ստեղծել են նյութական ու հոգեւոր հսկայական ժառանգություն:
Հայ համայնքն ինտեգրվել Է ուկրաինական հասարակությանը՝ ընդսմին պահպանելով իր մշակութային, ազգային ու կրոնական առանձնահատկությունները: Ներկայում Ուկրաինայում ապրում Է բազմահազարանոց հայ համայնքը, ազգային համայնքներ են գործում հանրապետության բազմաթիվ քաղաքներում, աշխատում են հասարակական-մշակութային կազմակերպություններ: Հայերը կառուցում են եկեղեցիներ, դպրոցներ, զարգացնում ազգային մշակույթը:
Հիշեցնենք նաեւ, որ Ուկրաինայի հայերի միությունը՝ Վիլեն Շատվորյանի ղեկավարությամբ, դարձել Է միակ համաուկրաինական կազմակերպությունը, որը միավորում Է երկրում գործող հայկական բոլոր կազմակերպությունները: