Հնարավորություն եմ ունեցել հանրաքվեի ընթացքում ստուգել այն ամենը, ինչը որ հետաքրքրում էր մեզ. անպատասխան հարց չենք ունեցել:
Արցախն ավելի զարգացած ու ժողովրդավարական երկիր է, քան Ադրբեջանը. Մանուել Օքսենռայտեռ
ՍՏԵՓԱՆԱԿԵՐՏ, փետրվարի 21, ԱՐՑԱԽՊՐԵՍ: «Արցախպրես»-ի թղթակցի հաղորդմամբ այս մասին քիչ առաջ տեղի ունեցած մամլո ասուլիսի ժամանակ ասել է Գերմանիայի «Ցուեռստ» լրատվական վերլուծական ամսագրի գլխավոր խմբագիր Մանուել Օքսենռայտեռն, ով «Այլընտրանք Գերմանիայի համար» գերմանական կուսակցության պատվիրակության հետ դիտորդական առաքելություն է իրականացրել Արցախում:
«Արցախի ընդդիմադիր կուսակցության ներկայացուցչի հետ ենք հանդիպել, ով քննադատել է նոր Սահմանադրությունը, բայց չի քննադատել հանրաքվեն: Մենք կարող ենք ասել, որ հանրաքվեն լրիվությամբ համապատասխանում էր միջազգային չափանիշներին: Անձնակազմը լրիվ պատրաստված էր: Մեզ համար մեծ փորձ էր, որպես դիտորդ, մասնակցելու Արցախի Սահմանադրության հանրաքվեին: Մենք Գերմանիայում կներկայացնենք Արցախը այնպիսին, ինչպիսին կա»,- ասել է Մանուել Օքսենռայտեռնը և ընդգծել, որ Ադրբեջանի «Սև ցուցակ»-ում հայտնվելն իրենց չի անհանգստացնում, և երկիրը, որն ունի սև ցուցակներ, խոսում է իրենց ոչ ժողովրդավարական արժեքներ ունենալու մասին:
Ադրբեջանի իշխանություններն ըստ գերմանացի պատվիրակի, դրանով միջազգային հանրության ուշադրությունը փորձում են շեղել իրենց երկրում տեղի ունեցող մարդու իրավունքների բազմաթիվ խախտումներից: Մանուել Օքսենռայտեռի խոսքով՝ Արցախն ավելի զարգացած ու ժողովրդավարական երկիր է, ինչը չեն լսել Ադրբեջանի մասին:
