«Այն, որ ««Իսկանդեր»-ները մատակարարվել են Հայաստանին, իմ կարծիքով, բոլորի համար ակնհայտ է, քանի որ դրանք բոլորը բացահայտ տեսել են: Այն, որ դրանք պատկանում են Հայաստանի զինված ուժերին, նույնպես կարող եմ հաստատել 100 տոկոս վստահությամբ: Եվ այստեղ որևէ երկրորդ կարծիք ուղղակի չի կարող լինել: Ինչ վերաբերում է մնացած հարցերին՝ երբ, ինչ գումարներով, վճարման ինչ ժամկետով և այլն. ինչպես հասկանում եք, այդ ամենն իրականացվում է «հույժ գաղտնի»: Կառավարում ենք մենք, կառավարում են նրանք, ում դրանք պատկանում են: Այստեղ ես կարող եմ բացահայտել գաղտնիության վարագույրը»,- ասել է Սարգսյանը:      

Ճշտող հարցին, արդյոք այդ համակարգերի կառավարումը գտնվում է Հայաստանի Հանրապետության զինված ուժերի սպաների ձեռքերում, ովքեր անցել են համապատասխան վերապատրաստում, ՀՀ պաշտպանության նախարարն ընդգծել է. «միանշանակ»:  

Հայաստանը որոշում կկայացնի «Իսկանդեր» օպերատիվ-մարտավարական հրթիռային համալիրների օգտագործման մասին՝ կախված իրավիճակի զարգացումից:

«Ես կարող եմ ձեզ ցույց տալ ալգորիթմը: Այդ զենքի նշանակությունը և պարամետրերը թույլ են տալիս անուղղելի վնաս հասցնել երկրի ենթակառուցվածքներին, ինչի դեմ այն կարող է կիրառվել: Համապատասխանաբար` «Իսկանդերների» կիրառման մասին որոշումը սերտ կապված կլինի իրավիճակի զարգացման հետ: Ամեն դեպքում՝ մենք դիտարկում ենք այն որպես երաշխավորված հարվածի զենք, եթե լինի նման անհրաժեշտություն: Դա առաջին հերթին զսպման զենք է: Բոլորովին ակնհայտ է, որ իրավիճակի զարգացումը կարող է թելադրել նման մոտեցումների վերանայում, բայց սկզբունքորեն, իր գաղափարախոսությամբ, իր հնարավորություններով այդ զենքն այնպիսին է, որ պետք է զովացնի ցանկացած տաք գլուխ՝ որոշումների կայացման առումով»,- ասել է նախարարը:

«Իսկանդեր»-ները առաջին անգամ ներկայացվել են նախորդ տարվա սեպտեմբերի 21-ին Երևանում Հայաստանի անկախության 25-րդ տարեդարձի առթիվ կազմակերպված զորահանդեսում: