ԱՊՀ-ին արժեր հուշարձան ձոնել, եթե այն կարողանա լուծել Մերձդնեստրի, Լեռնային Ղարաբաղի կամ Դոնբասի խնդիրը։
Լուկաշենկո․ ԱՊՀ-ին հուշարձան կձոնեն, եթե այն լուծի Մերձդնեստրի, Լեռնային Ղարաբաղի կամ Դոնբասի խնդիրը
ՍՏԵՓԱՆԱԿԵՐՏ, 7 ապրիլի, ԱՐՑԱԽՊՐԵՍ: Այս մասին ասել է Բելառուսի նախագահ Ալեքսանդր Լուկաշենկոն «Միր» միջպետական հեռուստառադիոընկերությանը տված հարցազրույցում, հայտնում է ԲԵԼՏԱ-ն։
Խոսելով ԱՊՀ ապագայի մասին, Լուկաշենկոն նշել է, որ առաջարկվող բարեփոխումները թվում են աննշան առկա խնդիրների ֆոնին։ Օրինակ կարելի է արդյո՞ք համեմատել ԱՊՀ ապարատն ավելի արդյունավետ դարձնելու փորձերը պետությունների միջեւ գոյություն ունեցող հակամարտությունների հետ։ «Եթե մենք ԱՊՀ շրջանակում լուծենք մերձդնեստրյան խնդիրը, Լեռնային Ղարաբաղի կամ Դոնբասի խնդիրը, այդ դեպքում պետք է եվրասիական տարածքի կենտրոնում հուշարձան տեղադրենք ԱՊՀ-ի պատվին։ Բայց մենք դա չենք անում։ Ու երբեմն չենք անում, ոչ թե որովհետեւ հնարավոր չէ անել, այլ որովհետեւ տարբեր շահեր կան։ Իսկ խնդիրը լուծել պետք է»,- ասել է Լուկաշենկոն։ Բելառուսի նախագահի կարծիքով այդ հակամարտությունների լուծելիս անհրաժեշտ է առաջնորդվել մարդկանց շահերով։
«Լեռնային Ղարաբաղում , ի՞նչ է , մարդիկ լա՞վ են ապրում, ենթարկվելով որոշակի ռազմական խնդիրների։ Նրանք պարզապես ապրում են ու սպասում, որ վաղը կարող է, աստված մի արասցե, ռումբը գլխներին ընկնել։ Դա նորմա՞լ է։ Դա աննորմալ է։ Ո՞ւմ է դա ձեռնտու։ Ոչ մեկին»,- շեշտել է նա։ «Պետք է լուծել այդ հարցերը, որոնք ԱՊՀ մակերեսին են, նոր դրանից հետո ապագային նայել,- համարում է Լուկաշենկոն,- Ու այդ խնդիրները լուծելով, մենք կտեսնենք նոր ռազմավարական ուղղություններ, որոնցով մենք պետք է գործենք»։