Ստեփանակերտի Կոմիտասի անվան երաժշտական դպրոցում տեղի է ունեցել հաշվետու համերգ: Համերգի ընթացքում դպրոցի սաները հանդես են եկել երգերով և նվագել երաժշտական գործիքներով:
Կոմիտասի անվան երաժշտական դպրոցի սաները հանդես են եկել հաշվետու համերգով (լուսանկարներ)
ՍՏԵՓԱՆԱԿԵՐՏ, 7 հունիսի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Կոմիտասի անվան երաժշտական դպրոցի տնօրեն Էլեոնորա Շահրամանյանն ասել է, որ իրենց դպրոցը գործում է 1938 թվականից:
«Դպրոցում գործում է 11 երաժշտական բաժին: Դպրոց է հաճախում 575 սան. տարեցտարի հաճախողների թվի աճ է գրանցվում:2016 թվականից մենք աշխատում ենք հարմարավետ պայմաններով երաժշտական նորակառույց դպրոցում. այստեղ երաժշտական գործիքների պակաս չկա: Մեր սաները մասնակցում են միջազգային տարբեր մրցույթների և, գրավելով առաջնային տեղեր, միշտ բարձր են պահում դպրոցի անունն ու պատիվը»,-ասել է Է. Շահրամանյանը:
Երաժշտական դպրոցի փողային բաժնի կլարնետի դասարանի 3-րդ դասարանի սան Հարություն Գաբրիելյանն էլ ասել է, որ ինքն առաջին անգամ է մասնակցում համերգի:
«Սիրով եմ հաճախում դպրոց: Երաժշտությունն իմ տարերքն է: Ես պարտական եմ իմ ուսուցչին. նա օգնում է ինձ՝ տիրապետելու կլարնետ նվագելու գաղտնիքներին: Ցանկություն ունեմ ապագայում երաժշտական բարձրագույն կրթություն ստանալ և մեծ բեմերում: Երազում եմ դառնալ մեծ երաժիշտ և ամենուր հնչեցնել Արցախի անունը»,-անկեղծացել է Հ. Գաբրիելյանը:
Միջոցառմանը ներկա էին ԱՀ մշակույթի և երիտասարդության հարցերի նախարար Նարինե Աղաբալյանը, քաղաքապետ Սուրեն Գրիգորյանը, պաշտոնատար այլ անձինք, երաժշտասեր հասարակություն և այլք:
