Առաջիկա տարիներին Հայաստանում կարելի է ակնկալել հարձակումների ուժեղ ալիք բջջային գաջետների վրա։
Kaspersky-ի ներկայացուցիչ․ Առաջիկա տարիներին Հայաստանում ակնկալում ենք հարձակումների ալիք բջջային գաջետների վրա
ՍՏԵՓԱՆԱԿԵՐՏ, 20 հունիսի, ԱՐՑԱԽՊՐԵՍ: Այս մասին NEWS.am–ի թղթակցին հայտնել է Հայաստանում ու Վրաստանում «Կասպերսկու լաբորատորիայի» ներկայացուցիչ Արմեն Կարապետյանը։
Սմարթֆոններն ու պլանշետները ավելի հետաքրքիր են դառնում հաքերների համար։ Դրանք մշտապես մարդկանց ձեռքերին են, ու այնտեղ անձնական տվյալներ հիմա գուցե ավելի շատ են պահվում, քան անձնական համակարգչում։ Ընդ որում ցանկացած՝ լուսանկարից սկսած մինչեւ բանկային տվյալներ։
«Բնականաբար, հաքերները գնում են այնտեղ, որտեղ կան գումարներ, ու բջջային բանկինգի զարգացումը նման սպառնալիքներ է ստեղծում։ Դրա համար էլ մենք բանկերին առաջարկում ենք ինտեգրել իրենց հավելվածների մեջ մեր լուծումները ու դրանք հաճախորդներին առաջարկել արդեն պաշտպանված վիճակում։
Անցել են այն ժամանակները, երբ բավական էր արձագանքել հայտնվող վիրուսներին։ Հիմա պետք է ակտիվ լինել ու մտածել մի քանի քայլ առաջ։ Դրանով միշտ տարբերվում է Եվգենի Կասպերսկին, որը շատ լավ կռահում է կիբերանվտանգության ոլորտի մեյնսթրիմը։ Ընկերությունը ապագային է միտված , մի քանի քայլ առաջ է։ Հիմա ամենագլխավոր միտումներից են (որի վրա մենք վաղուց ենք աշխատում) խելացի լուծումները, որոնք պաշտպանում են օգտատիրոջը՝ հաշվի առնելով տվյալ իրավիճակը»,- նկատել է Կարապետյանը։
