Ցեղասպանության հարցերով զբաղվող գիտնականների միջազգային ասոցացիան բաց նամակ է ուղարկել Ավստրալիայի հատուկ ռադիոհեռարձակման կորպորացիայի՝ SBS-ի ղեկավար Մայքլ Էբեյդային, քննադատելով նրան Հայոց ցեղասպանության սխալ բնութագրի համար։
Ցեղասպանության հարցերով փորձագետները քննադատել են ավստրալիական SBS-ը
ՍՏԵՓԱՆԱԿԵՐՏ, 22 հունիսի, ԱՐՑԱԽՊՐԵՍ։ Այս մասին հայտնում է Հայ դատի Ավստրալիայի հանձնախումբը։
Սենատում 2017-ի մայիսի լսումների ընթացքում Էբեյդան քննադատել է Հայոց ցեղասպանության լուսաբանման հարցում խմբագրական քաղաքականությունը։ Մասնավորապես սենատոր Սկոտ Լուդլամը խնդրել է նրան մեկնաբանել այն հրապարակումը, որում նշվում է, որ SBS-ը այս հարցի շուրջ հատուկ քաղաքականություն ունի՝ լրագրողներին չի թույլատրվում օգտագործել ցեղասպանություն բառը, դրա մասին պետք է խոսել որպես հայերի զանգվածային սպանություն, որը ՛շատերը ցեղասպանություն են համարում, բայց Թուրքիան ժխտում է դա։
Դրան ի պատասխան՝ SBS-ի ղեկավարը նշել է, որ դրանով իսկ իրենք ուզւոմ են հանդիսատեսին ցույց տալ, որ այս հարցի շուրջ պատմաբանների միջեւ կան տարաձայնություններ։
«Հայոց ցեղասպանության ժխտումը պատմության մաս չէ, դա գաղափարախոսություն է ։Մենք հիասթափված ենք, որ SBS-ի նման հարգարժան կազմակերպություն այդ ուղին է ընտրել»,- ասվում է նամակում։
Նամակի հետ միասին գիտնականները հարցում են ուղարկել Հայոց ցեղասպանության հարցում կազմակերպության պաշտոնական քաղաքականության փոփոխության մասին։ «Մենք նաեւ շնորհակալություն ենք հայտնում սենատոր Լուդլամին ցեղասպանության ճանաչման համար»,- ասվում է նամակում։
