Ըստ համաձայնագրի` Գլենդելի քաղաքապետարանն ու համալիրի նախագիծը հեղինակած 100-րդ տարելիցի հանձնախումբը կսկսեն բանակցել Գլենդելի «Սիվիք Աուդիթորիում»-ի և Հանրային քոլեջի հարևանությամբ գտնվող 1.7 ակր տարածքում կենտրոնի կառուցման մանրամասների շուրջ: «Այսօր պատմական օր է, քանզի Ցեղասպանության հարյուրամյակին ընդառաջ մեզ հնարավորություն է տրվում Գլենդելում ստեղծել մի հաստատություն, որը ամերիկացի ժողովրդին ներկայացնելու է հայոց պատմությունը, որի մի մասն է կազմում Ցեղասպանությունը, միաժամանակ՝ կրթական կենտրոն, որտեղ բոլորին հնարավորություն կտրվի ծանոթանալ մեր ազգի առավել մանրամասն պատմությանը, նաև տեղեկանալ ԱՄՆ օգնության մասին մարդկության դեմ գործված ամենամեծ հանցագործություններից մեկի վերապրածներին»,- նշել է հանձնախմբի անդամ Պերճ Կարապետյանը:

100-րդ տարելիցի հանձնախմբի համանախագահ Թալին Յակուբյանն իր խոսքում ևս կարևորել է թանգարանի բացումը` նշելով. «Հայ-ամերիկյան թանգարան և կրթական կենտրոն ունենալը չափազանց կարևոր է նաև այն առումով, որ ամերիկացի ժողովրդին առավել հանգամանալից կներկայացվի Կալիֆորնիայում նշանակալի թիվ կազմող և մեծ ներդրում ունեցող հայ համայնքը»:

 Հանձնախմբի համանախագահ փաստաբան Կարո Ղազարյանն իր հերթին ընդգծեց, որ հուշարձանի կառուցումը հայերի հարատևության խորհրդանիշը կարող է դառնալ: «Այս կառույցը պետք է ցուց տա մեր հաղթանակը՝ այն, որ հարյուր տարի անց մենք ոչ միայն կանք, այստեղ ենք, այլև կարող ենք կառուցել թանգարաններ, կրթական հաստատություններ և փոխանցել սերունդներին՝ ի հարգանս մեր նահատակների, միաժամանակ երախտագիտություն ԱՄՆ-ին, որ ապաստանել է Ցեղասպանությունից վերապրածներին ու նրանց սերունդներին»,- նշել է նա:

Երախտիքի խոսքով են հանդես եկել նաև Արևմտյան թեմի առաջնորդ Հովնան արքեպիսկոպոս Տերտերյանը, Գլենդելի քաղաքապետ Զարեհ Սինանյանը: