Հոկտեմբերի 26-28-ը Արցախում տեղի է ունեցել Հայաստանի հանրապետական կուսակցության երիտասարդական կազմակերպության եւ Հայաստանի երիտասարդական հիմնադրամի կողմից կազմակերպված հայկական կուսակցությունների ֆորումը:
«Որոշիչ դերը պիտի ունենա Արցախը». Հայկական կուսակցությունների երիտասարդական ֆորումի բանաձեւը
ՍՏԵՓԱՆԱԿԵՐՏ, 30 հոկտեմբերի, ԱՐՑԱԽՊՐԵՍ: Ստորեւ ներկայացնում ենք ֆորումի աշխատանքների ավարտին ընդունված բանաձեւը.
«Մենք՝ 2017 թվականի հոկտեմբերի 27-ից 29-ը Արցախի Հանրապետության մայրաքաղաք Ստեփանակերտում իրականացված Հայկական կուսակցությունների երիտասարդական ֆորումի ներքոստորագրյալ մասնակիցներս ամփոփելով ֆորումի աշխատանքները.
Խիստ կարեւորում ենք հայկական երկու պետություններում մասնակցայնության եւ ժողովրդավարության վրա հիմված քաղաքական մշակույթի զարգացումը
Ընդգծում ենք հասարակական եւ քաղաքական գործընթացներում երիտասարդների ներգրավվածության բարձրացման կարեւորությունը,
Փաստում ենք արդի քաղաքական օրակարգի եւ բուն քաղաքական գործընթացների ձեւավորման մեջ զգալի է երիտասարդական ֆորմալ եւ ոչ ֆորմալ կազմակերպությունների դերը
Ընդգծում ենք երիտասարդության շրջանում քաղաքական եւ քաղաքացիական կրթության կարեւորությունը
Կարեւորում ենք Արցախի Հանրապետության քաղաքացի հանդիսացող երիտասարդների ուղիղ կապերի հաստատումը միջազգային կազմակերպությունների եւ քաղաքացիական հասարակության սուբյեկտների հետ, մասնավորապես միջազգային կրթական փոխանակման ծրագրերի մասնակցության մատչելիության ապահովումը, ինչպես նաեւ ավարտական վկայականների փոխճանաչելիությունը
Դատապարտում ենք Ադրբեջանի կողմից շփման գծում լարվածության էսկալացիան
Կոչ ենք անում միջազգային հանրությանը կատարել հասցեական հայտարարություներ, որոնք ուղղված կլինեն շփման գծում իրավիճակի սրումը հրահրող կողմին
Կարեւորելով տարածաշրջանային անվտանգության ապահովման գործում երիտասարդության դերը՝ խստորեն դատապարտում ենք Ադրբեջանի Հանրապետությունում խոսքի ազատության սահմանափակումը եւ երիտասարդների կամարտահայտման խոչընդոտները
Փաստում ենք, որ Ադրբեջանական կողմը վարում է ակտիվ հակահայկական ու հայատյացության քարոզչություն, որը նախատեսված է թե ներքին, թե արտաքին սպառման համար
Որպես հակամարտության միակ ընդունելի լուծում դիտարկում ենք խաղաղ բանակցային գործընթացի արդյունքում ձեռք բերված պայմանավորվածությունները, որոնցում իր որոշիչ դերը պիտի ունենա Արցախի Հանրապետությունը
Հաստատում ենք Արցախի մայրաքաղաք Ստեփանակերտում հայկական կուսակցությունների երիտասարդական կազմակերպությունների, ուսանողական ինքնակառավարման մարմինների եւ երիտասարդական հասարակական կազմակերպությունների մասնակցությամբ քաղաքական քննարկումների կարեւորությունը եւ շարունակականության ու պարբերականության ապահովման պատրաստակամությունը։
ք. Ստեփանակերտ
2017 թվականի հոկտեմբերի 29
«Հայկի սերունդ» ԵՀԿ
Արցախի ազատամարտիկների միության «Հայրենյաց պաշտպան» ԵՀԿ
«Արցախակերտում» ԵՀԿ
«Արցախի երիտասարդական զարգացման կենտրոն» ԵՀԿ
«Առաջ Արցախ» ԵՀԿ
«Հանուն Արցախի» ԵՀԿ
«Միացյալ Հայաստան » ԵՀԿ
«Մտքի ուժը» ԵՀԿ
«Ազատ Հայրենիք» կուսակցության երիտասարդական թեւ
ՀՅԴ Արցախի Երիտասարդական Միություն
ՀՅԴ Արցախի «Արամ Մանուկյան» ուսանողական միություն
ԱրՊՀ ուսանողական խորհուրդ
Հայաստանի Հանրապետական Կուսակցության երիտասարդական կազմակերպություն
Հայ հեղափոխական դաշնակցության «Նիկոլ Աղբալյան» ուսանողական միություն
Բարգավաճ Հայաստան Կուսակցության երիտասարդական թեւ
Հայկական Վերածնունդ կուսակցության երիտասարդական թեւ
Ազատ դեմոկրատներ կուսակցության երիտասարդական թեւ
ԵԼՔ դաշինքի երիտասարդական թեւ
Հայաստանի երիտասարդական հիմնադրամ
Միջին մասնագիտական ուսումնական հաստատությունների ասոցացիա
«Աշակերտական հայկական ասոցացիա» ԿՀԿ
«ՀՀ ոչ պետական բուհերի ուսանողական կենտրոն» ՀԿ
ԵՊԼՀ ուսանողական խորհուրդ
ՀՊՏՀ ուսանողական խորհուրդ
ՀՊՄՀ ուսանողական խորհուրդ
ԵՊԲՀ ուսանողական խորհրդարան
ՀԱԱՀ ուսանողական խորհուրդ
ՀԱՊՀ ուսանողական խորհուրդ
ՃՇՀԱՀ ուսանողական խորհուրդ
ԵՊԿ ուսանողական խորհուրդ
ԵԹԿՊԻ ուսանողական խորհուրդ
ԵԳՊԱ ուսանողական խորհուրդ
ՀՀ ՊԿԱ ուսանողական խորհուրդ
ՄՊՀ Երեւանի մասնաճյուղի ուսանողական խորհուրդ
«Երիտասարդ նկարիչների միություն» ՀԿ
