«Կատալոնիայի եվրոպական ժողովրդավարական կուսակցությունը», որի անդամ է Կատալոնիայի պաշտոնանկ արված նախագահ Կառլես Պուչդեմոնը, ընդունել է Իսպանիայի հետ բանակցությունների անհրաժեշտությունը:
Պուչդեմոնն ընդունել է Իսպանիայի հետ բանակցությունների անհրաժեշտությունը
ՍՏԵՓԱՆԱԿԵՐՏ, 23 նոյեմբերի, ԱՐՑԱԽՊՐԵՍ: Այն, որ կուսակցությունը չի պատրաստվում միակողմանի դուրս գալու մասին պնդել, հաստատել է կուսակցության գլխավոր քարտուղար Մարտա Պասկալը, հաղորդում է RFI-ն:
Պասկալը Cadena Ser ռադիոկայանի հետ հարցազրույցում ասել է, որ անկախություն հռչակման համար անհրաժեշտ է, որ Իսպանիայից անջատվելու կողմնակիցները ավելի շատ լինեն: Իսպանիայի լրատվամիջոցները հաղորդել են, որ անկախություն հռչակելու մտադրությունից` առանց առնելու Իսպանիայի դիրքորոշումը, հրաժարվել են նաեւ «Կատալոնիայի ձախ հանրապետականները»՝ Պուչդեմոնի կուսակցության դաշնակիցները:
Կուսակցությունները փոխել են իրենց դիրքորոշումը, երբ Կատալանիայի նախկին նախագահը Բելգիայում էր: Բրյուսելի դատարանը նրան Իսպանիային հանձնելու հարցն է քննարկում:
Բելգիայում Պուչդեմոնի հետ միասին իրենց ճակատագրի որոշմանն են սպասում նաեւ կառավարությունից հեռացված նրա չորս գործընկերները:
Արտահանձնման մասին Բելգիայի դատարանի հերթական նիստը կկայանա դեկտեմբերի 4-ին: Միեւնույն ժամանակ Կատալոնիայի ութ նախարարներ Իսպանիայում են կալանավորված:
