Սիրիական ճգնաժամի կարգավորման հարցով նոյեմբերի 22-ին Սոչի եռակողմ հանդիպման մեկնելուց առաջ Թուրքիայի նախագահ Ռեջեփ Թայիբ էրդողանը անդրադարձել է ԼՂՀ հիմնահարցի կարգավորմանը` հայտարարելով, որ դա իրենց համար ևս առանձնահատուկ հարց է և հարմար առիթ լինելու պարագայում` ինքն, անպայման, կփորձի օրակարգ բերել այդ հարցը:
Թուրքիայի՝ ԼՂ հարցում միջնորդ լինելու փորձերն ապարդյուն են. թուրքագետ
ՍՏԵՓԱՆԱԿԵՐՏ, 26 նոյեմբերի, ԱՐՑԱԽՊՐԵՍ: «Առաջին լրատվական»-ի հետ զրույցում ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանն անդրադառնալով Թուրքիայի նախագահի այս հայտարարությանը` նկատեց, որ առաջին անգամը չէ, երբ Թուրքիան փորձ է կատարում միջամտել ղարաբաղյան հակամարտության խաղաղ կարգավորման գործընթացի մեջ, սակայն ըստ արևելագետի` դա նրանց երբեք չի հաջողվել ու չի հաջողվի:
«Առաջին հերթին` Թուրքիան չի կարող լինել միջնորդ մի գործընթացում, որտեղ ինքը կողմերից մեկի հովանավորն է : Երկրորդ` Էրդողանի փորձերը ներգրավվել Ռուսաստանին այն դիքորոշման մեջ, որն ունեն իրենք` թուրքերը, կարծում եմ, որ ապարդյուն է, քանի որ Ռուսաստանն ունի իր շահերը տարածաշրջանում և այդ շահերը նրան թելադրում են, որպեսզի Ռուսաստանը հնարավորինս չմիջամտի այս գորընթացի մեջ, որովհետև վերջինիս համար Հայաստանը շատ կարևոր է որպես դաշնակից Հարավային Կովկասում: Համոզված եմ, որ Ռուսաստանի դիրքորոշման վրա ազդեցություն ունենալու Էրդողանի փորձերն ապարդյուն կլինեն, որովհետև Ռուսաստանի դիրքորոշումը բազմիցս արտահայտվել է` այդ թվում նաև Լավրովի Բաքու և Երևան կատարած վերջին այցի ժամանակ, իսկ այդ դիրքորոշումն այն է, որ կողմերն իրենք պետք է գտնեն որոշումը` բանակցային գործընթացն հաջողությամբ առաջ տանելու համար»,-շեշտեց մեր զրուցակիցն ու շարունակեց.
«Կարծում եմ, որ Ռուսաստանն ոչ մի ցանկություն չունի ճնշում գործադրելու կողմերից որևէ մեկի վրա»:
