Հունգարիայի Գյոր քաղաքում մեկնարկել է հրաձգության Եվրոպայի մեծահասակների, երիտասարդների ու պատանիների առաջնությունը:
Հայկ Բաբայանը պատանեկան Օլիմպիական խաղերի ուղեգիր է նվաճել
ՍՏԵՓԱՆԱԿԵՐՏ, փետրվարի 19, ԱՐՑԱԽՊՐԵՍ: Հայկ Բաբայանը պատանիների 10 մ օդամղիչ հրացան վարժության եզրափակչում (181.1) զբաղեցրեց 5-րդ տեղը՝ նվաճելով 2018 թ. Բուենոս Այրեսի պատանեկան օլիմպիական խաղերի ուղեգիր:
Նույն վարժությունում Վրեժ Թորոսյանը եզրափակչում (140.4) զբաղեցրեց 7-րդ հորիզոնականը: Նարեկ Ադամյանը որակավորման փուլում 609,7 միավորով 22-րդն էր:
10 մ օդամղիչ հրացան վարժության աղջիկների մրցաշարում Ալլա Պողոսյանը որակավորման փուլում 414,9 միավորով 9-րդ տեղում էր։ Պողոսյանին չհաջողվեց անցնել եզրափակիչ:
10 մ օդամղիչ ատրճանակ վարժությունում Բենիկ Խլղաթյանը, որակավորման փուլում խոցելով 561 միավոր, զբաղեցրեց 15-րդ տեղը:
Հայաստանի պատանիների հավաքականը կմասնակցի նաեւ երիտասարդների առաջնությանը: