ԱՄՆ-ը պատժամիջոցներ Է սահմանել Ալեքսեյ Միլլերի, Վիկտոր Վեկսելբերգի, Անդրեյ Կոստինի եւ Սուլեյման Քերիմովի, ինչպես նաեւ Օլեգ Դերիպասկայի նկատմամբ:
ԱՄՆ-ը պատժամիջոցներ սահմանեց ՌԴ-ի 38 քաղաքացիների եւ 15 կառույցների դեմ
ՍՏԵՓԱՆԱԿԵՐՏ, ապրիլի 6, ԱՐՑԱԽՊՐԵՍ-ԱՐՄԵՆՊՐԵՍ: Այս տեղեկատվությունը, ինչպես հաղորդել Է ՏԱՍՍ-ը, ապրիլի 6-ին զետեղվել Է ԱՄՆ-ի ֆինանսների նախարարության կայքում: Սահմանավակումների տակ են հայտնվել Ռուսաստանի յոթ ձեռնարկատերեր, ինչպես նաեւ նրանց հսկողության տակ գտնվող 12 ընկերություններ: «ԱՄՆ-ի ֆինանսների նախարարության օտարերկրյա ակտիվների նկատմամբ հսկողության վարչությունը պատժամիջոցներ Է սահմանում ռուսաստանցի յոթ օլիգարխների եւ 12 ընկերությունների դեմ, որոնք նրանց սեփականությունն են կամ գտնվում են նրանց հսկողության ներքո»,-լրագրողների համար անցկացված բրիֆինգում ասել Է ամերիկյան վարչակազմի բարձրաստիճան ներկայացուցիչը: Նաեւ պատժամիջոցներ են սահմանվում Ռուսաստանի 17 պաշտոնատարների, զենքի մատակարարումներով զբաղվող ռուսական ընկերության եւ պետական մեկ բանկի նկատմամբ: Վաշինգտոնի իշխանությունները հայտարարել են, որ Ռուսաստանի նկատմամբ այս որոշումն ընդունել են «աշխարհում նրա չարամիտ գործունեության» համար, սակայն երկխոսության համար դուռը բաց Է մնում: «Ներկայիս վարչակազմը պարզորոշ հասկանալ Է տվել, որ երկխոսության դուռը բաց Է: Մենք Ռուսաստանի հետ պահպանում ենք կապուղիները Ուկրաինայի, Սիրիայի, սպառազինությունների վերահսկողության եւ երկկողմ բազմաթիվ այլ գործերի շուրջ»,-ասել Է ԱՄՆ-ի գործադիր իշխանության ներկայացուցիչը: «ԱՄՆ-ի նախագահ Դոնալդ Թրամփը քանիցս ասել Է, որ մենք ձգտում ենք բարելավել հարաբերությունները Ռուսաստանի հետ»,-հիշեցրել Է բրիֆինգը վարողը: Սակայն երկկողմ հարաբերությունների այդ նորմալացման համար պատասխանատվությունն ընկած Է Մոսկվայի վրա»,-հայտարարել Է նա: «Դա կարող Է տեղի ունենալ միայն այն դեպքում, եթե Ռուսաստանը դադարեցնի ագրեսիվ գործելակերպը: Այնքան ժամանակ, քանի դեռ նա դա չի անի, մենք կշարունակենք նրան գին պարտադրել ագրեսիայի համար»,-հավելել Է ամերիկյան վարչակազմի ներկայացուցիչը: