Թուրքիայում բնակվող սիրիացի ներգաղթյալները ցանկանում են երկրի խորհրդարանում իրենց պատգամավորն ունենալ:
Թուրքիայում ապաստան գտած սիրիացիները ցանկանում են խորհրդարանում իրենց պատգամավորն ունենալ
ՍՏԵՓԱՆԱԿԵՐՏ, մայիսի 2, ԱՐՑԱԽՊՐԵՍ: Այս մաին հաղորդում է demokrathaber.org կայքը։
Հայտնի է, որ Թուրքիայում բնակվող ավելի քան 3 մլն սիրիացի ներգաղթյալներից հունիսի 24-ին կայանալիք արտահերթ նախագահական ու խորհրդարանական ընտրություններին մասնակցելու իրավունք ունեն Թուրքիայի քաղաքացիություն ստացած 50 հազարը։
Արդեն հաստատվել է, որ սիրիացիները որպես իրենց պատգամավոր խորհրդարանում ցանկանում են տեսնել ազգությամբ թուրքմեն սիրիացի քաղաքական գործիչ Սամիր Հաֆեզին, փոխանցում է 1in.am-ը:
Նրա՝ ընտրություններին մասնակցելու համար անհրաժեշտ է 30.000 ստորագրություն, որն էլ այժմ փորձում են հավաքել։
Հաֆեզը ցանկանում է անդամակցել Թուրքիայի իշխող «Արդարություն և զարգացում» կուսակցությանը։
«Սիրիացի 3․5 մլն ներգաղթյալները բազմաթիվ խնդիրներ ունեն երկրում, դրանք կապված են թե՛ կրթության, թե՛ առողջապահական և թե՛ այլ ոլորտների հետ։ Այս մարդիկ ներկայացուցիչ չունեն երկրում։ Նրանց շրջանում ընտրության իրավունք ունի միայն 50 հազարը, դա կարող է փոքր թիվ թվալ, սակայն խոսքը 3,5 մլն մարդու շահերը ներկայացնելու մասին է»,-ասել է սիրիացի քաղաքական գործիչը։