Օրեր առաջ Լոնդոնում կայացել է Հայոց ցեղասպանության 100-րդ տարելիցին նվիրված միջոցառում՝ կազմակերպված «Հայկական ինստիտուտ» (Armenian Institute) եւ Dash Arts կազմակերպությունների նախաձեռնությամբ։
Օքսֆորդի հայկական երգչախումբը եւ Ցեղասպանության 100-րդ տարելիցը Անգլիայում
ՍՏԵՓԱՆԱԿԵՐՏ, 10 ՄԱՐՏԻ, ԱՐՑԱԽՊՐԵՍ։ Վերջինս մշտապես բազմատեսակ միջոցառումներ է իրականացնում՝ նվիրված աշխարհի տարբեր ազգերի մշակույթներին եւ ավանդույթներին։
Անցյալ շաբաթ այս երկու կազմակերպությունները ներկայացրել են հայկական ազգային երաժշտությունը։ Միջոցառման ընթացքում հնչել են ազգային երգեր եւ ցուցադրվել Փարաջանովի «Հակոբ Հովնաթանյան» եւ Նուրիցա Մաթոսյանի «Երկու ազգերի սիրտը. Հրանտ Դինք» ֆիլմերը։ Երեկոյի վերջում ավանդական քաղցրավենիքի հյուրասիրություն է եղել։
Օքսֆորդի հայկական երգչախումբը ներկայացրել է Կոմիտասի երգերը։ Ծրագրում ներառված են եղել նաեւ Էրզրումի եւ Զանգեզուրի շրջանների պարերը։
Նշենք, որ Օքսֆորդի հայկական երգչախումբը ստեղծվել է 2013թ-ին մի խումբ խանդավառ երիտասարդների նախաձեռնությամբ, ովքեր սիրում եւ գնահատում են հայկական մշակույթն ու ավանդույթները։ Երգչախմբի բոլոր անդամները՝ դիրիժոր Մարիաննա Ասատրյանի ղեկավարությամբ, թեկուզ ոչ պրոֆեսիոնալ են, սակայն հայկական երաժշտության մոլի երկրպագուներ են։ Երգչախմբում ընդգրկված են 12 երիտասարդ՝ հայկական սփյուռքից, Օքսֆորդի համալսարանի ուսանողներից կամ պարզապես այլ ազգերի ներկայացուցիչներ են։ Երգչախումբը, որը բազմաթիվ միջացառումների է մասնակցում, հիմք է հանդիսացել «Oxford University Armenian Society» հասարակական կազմակերպության եւ «Armenian Mission Parish» հիմնադրամի ստեղծման համար։