ՈՒրբաթ 24.03.2017   18:03
ՍՏԵՓԱՆԱԿԵՐՏ   3 C°
ՀԱՅ   |   РУС   |   ENG

2 մայիսի  18:17

Կալիֆորնիայի պատվիրակները տպավորված են Արցախի ընտրական գործընթացով

ԱՄՆ Կալիֆորնիա նահանգից դիտորդական առաքելություն իրականացնելու համար արդեն Արցախում են Սանտա Կրուզ շրջանային վարչակազմի աշխատակից Գեյլ Պելլեդին, Կալիֆորնիայի համալսարանի քաղաքագետ Քարին Մակդոնալդը և նույն համալսարանի մարդու իրավունքներ և սոցիոլոգիա մասնագետ Քրիստի Աբաջան:

ՍՏԵՓԱՆԱԿԵՐՏ, 2  ՄԱՅԻՍԻ, ԱՐՑԱԽՊՐԵՍ։ «Արցախպրես»-ի թղթակցի հետ զրույցում Գեյլ Պելլեդին մասնավորապես ասաց, որ առաջին անգամ է գտնվում Արցախում։ «Այն ամենը ինչ ես տեսել եմ լիովին ինձ դուր է եկել, ամեն ինչ դրական է։ Արցախի կուսակցություններից տեղյակ եմ օրինակ՝ «Ազատ հայրենիք», և «Արցախի ժողովրդավարական կուսակցություն»-ներից։ Ես շատ ուրախ եմ, որ կա շատ տեղեկություններ համացանցում՝ ընտրությունների մասին, որի միջոցով էլ ճանաչել եմ։ Ես տեսնում եմ, թե ինչքան կարևոր է ընտրությունները Արցախի բնակչության համար»,- ասաց Պելլեդին և հավելեց, որ Արցախում իրեն շատ է գրավել հատկապես մարդկանց ջերմ վերաբերմունքը։


Քարին Մակդոնալդն, ով որպես դիտորդ արդեն երկրորդ անգամն է Արցախում, նշեց, որ առաջին անգամ եկել է նախագահական ընտրությունների ժամանակ՝ 3 տարի առաջ։ «Այդ ժամանակ ընտրություններին մարդիկ շատ ակտիվ էին։ Նախագահական ընտրություններից հետո մենք հաշվետվություն ենք կազմել, որտեղ գրել ենք, որ Արցախում ընտրությունները անցել են միջազգային չափանիշներին համապատասխան, բարձր մակարդակով և թափանցիկ։ Այս պահի դրությամբ ոչինչ հայտնի չէ, բայց մինչ այժմ ամեն ինչ կարգին է, և վաղը սպասում եմ գրեթե անթերի ընտրությունների»,- ասաց Մակդոնալդն և ավելացրեց, որ որպես քաղաքագետ իր կարծիքը կասի ընտրությունների ավարտին։

Հետաքրքիր զրույց ծավալվեց Քրիստի Աբաջանի հետ, ով նշեց, որ մանուկ հասակում 5-6 անգամ այցելել է Արցախ։ «Այս անգամ եկել եմ դիտորդական առաքելություն իրականացնող խմբի հետ։ Ինձ դուր է գալիս այս ընտրական գործընթացը, որպես դիտորդ առաջին անգամ եմ այստեղ։ Ամեն ինչ ընթանում է լավ ու թափանցիկ։ Գալուցս մի քանի օր առաջ ես ծանոթացել եմ ընտրություններին մասնակցող բոլոր 7 կուսակցությունների ծրագրերի հետ։ Ծանոթ եմ «Ազատ հայրենիք», «Արցախի ժողովրդավարական» և «Հայ հեղափոխական դաշնակցություն» կուսակցություններին»,- ասաց Աբաջան՝ նշելով, որ պաատերազմից հետո երբ եկել էր Արցախ ամեն ինչ շատ տխուր էր, իսկ հիմա աշխույժ և շատ ուրախ կյանք է տեսնում։

Artsakhpress.am


Լրահոս

Բոլոր նորությունները »

Ֆեյսբուք

Ամենաընթերցվածը

ամիս

շաբաթ

օր

Արխիվ
Հարցում
Քվեարկել են (235)  |  Այլ հարցում
Բոլոր իրավունքները պաշտպանված են: © Artsakhpress.am 2017
Մեջբերումներ անելիս հղումը «artsakhpress.am»-ին պարտադիր է:

Մեր հասցեն՝ Արցախի Հանրապետություն, Ստեփանակերտ, Մեսրոպ Մաշտոց փողոցի 5
Հեռ՝ (+374) 960406
էլ.փոստ՝ info@artsakhpress.am