Թբիլիսիի «Քարվասլա» պատմության թանգարանում մայիսի 18-ից մինչեւ հունիսի 19-
Թբիլիսիում տեղի կունենա «Սերգեյ Փարաջանով – XXI դարի երազ» ցուցահանդեսը
ՍՏԵՓԱՆԱԿԵՐՏ, 12 ՄԱՅԻՍԻ, ԱՐՑԱԽՊՐԵՍ։ Այդ մասին ասված Է Facebook սոցցանցում միջոցառման պաշտոնական Էջում:
«Ցուցահանդեսն իրենից ներկայացնում Է մուլտիմեդիական ինստալացիա-կոլաժ, որը միավորում Է ցուցասրահի տարածությունը՝ առասպելների, խոհածությունների հավաքածու-արտացոլում եւ հիշողություններ ռեժիսոր եւ նկարիչ Սերգեյ Փարաջանովի մասին, որը ծնվել Է Թբիլիսիում եւ մայրաքաղաքի պատմության անկապտելի մասն Է»,- ասված Է հաղորդագրության մեջ:
Ցուցահանդեսի կազմակերպիչները՝ Կիեւի Երազների թանգարանը՝ իր հիմնադիրների՝ հոգեվերլուծողներ Վիկտորյա Դանիելյանի եւ Տատյանա Ցվելոդուբի գլխավորությամբ, որոշել են տալ մեծ վարպետի ստեղծագործության իրենց մեկնաբանումը:
«Անցյալ դարի արտ-օբյեկտները, արտեֆակտերը՝ Թբիլիսիի պատմության թանգարանի ֆոնդի արխիվը, դիմանկար-լուսանկարները, կինեմատոգրաֆիական հարթակները, ֆիլմերի պոստերները, ֆիլմերի հետահայաց ցուցադրությունները կբացահայտեն Սերգո Փարաջանովի կյանքի մասին առասպելների մթնոլորտը»,- ասված Է հաղորդագրության մեջ:
Ինչպես նշում Է «Նովոստի Գրուզիա»-ն, ցուցահանդեսում կներկայացվեն ընկերների, լուսանկարիչների եւ այն նկարիչների աշխատանքները, որոնք ոգեշնչվել են Սերգեյ Փարաջանովի ստեղծագործությամբ:
Ծրագրին իրագործվում Է Վրաստանի մշակույթի եւ հուշարձանների պահպանության նախարարության եւ Թբիլիսիի քաղաքապետարանի Մշակութային միջոցառումների կենտրոնի օժանդակությամբ:
