ԼՂՀ գյուղի և գյուղատնտեսության աջակցության հիմնադրամը 2008-2015 թվականների ընթացքում իրականացրել է 31 մլրդ 751 մլն 128 հազար դրամի աջակցություն:
ԼՂՀ ԳԳ հիմնադրամի կողմից դատարան ներկայացվող հայցերի թիվն աճել է
ՍՏԵՓԱՆԱԿԵՐՏ, փետրվարի 5, ԱՐՑԱԽՊՐԵՍ: Այսօր կայացած մամլո ասուլիսում ա յս մասին ասել է ԼՂՀ գյուղի և գյուղատնտեսության աջակցության հիմնադրամի տնօրեն Աշոտ Բախշիյանը՝ նշելով, որ ընդհանուր աջակցության մեջ գերակշիռ մասը` 72%-ը, կազմում են հիմնադրամի կողմից տրամադրված փոխառությունները, որոնք տրամադրվել են գյուղատնտեսությամբ զբաղվող մոտ 37 000 ֆիզիկական և 72 իրավաբանական անձանց: Իրականացված աջակցության 19 %-ը կազմում է անցած տարում իրականացված աջակցությունը»,-նշել է հիմնադրամի տնօրենը:
Անդրադառնալով ժամկետանց փոխառությունների խնդրին՝ Ա. Բաշխիյանը նշել է. որ տարեցտարի ժամկետանց փոխառությունների գումարն աճել է, ինչի հետևանքով ավելացել է նաև հիմնադրամի կողմից ԼՂՀ ընդհանուր իրավասության առաջին ատյանի դատարան ներկայացրած հայցերի քանակը:
«2010-2015 թվականներին հիմնադրամի կողմից ԼՂՀ ընդհանուր իրավասության առաջին ատյանի դատարան է ներկայացվել 784 հայցային դիմում՝ ընհանուր 1 մլրդ 383 մլն 231 հազար դրամ հայցագնի չափով: Դատական կարգով պարտատերերիցգանձվել է 354 մլն 812 հազար դրամ գումար, որը կազմում է դատարան ներկայացրած ընդհանուր հայցապահանջի 25.7 %-ը»,- մանրամասնել է Ա. Բաշխիյանը:
