Լեռնային Ղարաբաղի հակամարտությունը չի կարող ունենալ ռազմական լուծում. Tert.am-ի հարցին, թե արդյոք բավարա՞ր է համարում ԵԱՀԿ Մինսկի խմբի ջանքերը՝ խաղաղ կարգավորմամբ հարցի լուծման համար, ասաց ՀՀ-ում ԱՄՆ արտակարգ և լիազոր դեսպան Ռիչարդ Միլսը:
ԼՂ հակամարտությունը չի կարող ունենալ ռազմական կարգավորում. ԱՄՆ դեսպան
ՍՏԵՓԱՆԱԿԵՐՏ, փետրվարի 11, ԱՐՑԱԽՊՐԵՍ: Նշենք, որ դեսպանը Հայաստան ժամանելու մեկամյակի առիթով առցանց ռեժիմով պատասխանում է ԱՄՆ-ի արտաքին քաղաքականությանն առնչվող ՀՀ քաղաքացիների հարցերին:
Ըստ դեսպանի՝ ԱՄՆ-ի իշխանությունները լրջորեն մտահոգված են շփման գծի երկայնքով բռնության սրման և հռետորաբանության առնչությամբ:
«Իմ կարծիքով՝ իրական է այդ լարվածության սրումը հրահրելու հավանականությունը շփման գծի երկայնքով անգամ սխալ հաշվարկի պատճառով: Այդ պատճառով է, որ Մինսկի խմբի համանախագահները կոչ են արել երկու կողմերին քայլեր ձեռնարկել շփման գծի երկայնքով բռնության մակարդակը նվազեցնելու ուղղությամբ, ինչպես նաև՝ իրավիճակի մոնիթորինգի համար մեխանիզմներ իրականացնել: Այս հարցը քննարկվել է, երբ երկու նախագահները հանդիպել են դեկտեմբերին Շվեյցարիայի Բեռն քաղաքում: ՄԽ ամերիկացի համանախագահ Ջեյմս Ուորլիքը մյուս համանախագահների հետ աշխատում է՝ երկխոսության առաջմղումը շարունակելու ուղղությամբ»,-պատասխանել է դեսպանը:
