Հայոց բանակը իր տեղում է եւ մարտունակ, կարող ենք մեր դիրքերն ու զորամասերը ամբողջությամբ հանձնել մեր զինվորներին:
Հայոց բանակը իր տեղում է եւ մարտունակ, կարող ենք մեր դիրքերն ու զորամասերը հանձնել մեր զինվորներին. Արթուր Աղաբեկյան
ՍՏԵՓԱՆԱԿԵՐՏ, 10 ապրիլի, ԱՐՑԱԽՊՐԵՍ: Այս մասին այսօր` ապրիլի 10-ին, իր ֆեյսբուքյան էջում գրել է Լեռնային Ղարաբաղի փոխվարչապետ Արթուր Աղաբեկյանը:
«Այս օրերին մենք Արցախում հանդիպեցինք տարբեր նախաձեռնությունների, կամավորական ջոկատների, աշխարհազորայինների, շոու-բիզնեսի ներկայացուցիչների, քաղաքական եւ հասարակական դեմքերի, որոնց ի սրտե պետք է հայտնեմ շնորհակալությունս Արցախով ապրելու համար: Միեւնույն ժամանակ, ի լուր բոլորի, ուզում եմ տեղեկացնել, որ Արցախը անցել է իր առօրյա կյանքին, որ արցախցին ապրում ու գործում այնպես, ինչ մինչ ապրիլմեկյան իրադարձություններն էր։ Այո հարկավոր են օգնություններ՝ բանակի համար սպառազինությունների ձեռք բերման, վնասված բնակավայրերի բարեկարգման համար: Բայց վստահ եղեք՝ հայոց բանակը իր տեղում է եւ մարտունակ, ու մենք արդեն կարող ենք մեր դիրքերն ու զորամասերը ամբողջությամբ հանձնել մեր զինվորներին: Քաղաքացիական կյանքում անելիքները եւս շատ են, իսկ հասարակության մեջ հանգստությունը ապահովելու համար մենք պիտի ապահովենք յուրաքանչյուր կամավորականի տունդարձի ճանապարհը։
Հ.Գ. մոտ օրերս հրապարակային կխոսեմ Զինված ուժերի մարտունակության վրա բացասական ազդեցություն ունեցող մի կարեւոր գործոնի մասին»,-գրել է նա:
