2007 թվականից հետո ԼՂ բանակցային գործընթացում ոչինչ չի փոխվել.
ԼՂ բանակցություններում քննարկվում են Մադրիդյան սկզբունքների տարբեր վարիացիաները. Ալ. Իսկանդարյան
ՍՏԵՓԱՆԱԿԵՐՏ, 23 օգոստոսի, ԱՐՑԱԽՊՐԵՍ: Այդ ժամանակվանից քննարկում են Մադրիդյան սկզբունքների տարբեր վարիացիաները. լրագրողների հետ հանդիպման ժամանակ խոսելով ԼՂ կարգավորման գործընթացի մասին՝ ասաց «Կովկաս ինստիտուտի» տնօրեն, քաղաքագետ Ալեքսանդր Իսկանդարյանը:
«Միշտ էլ խոսվել է փոխզիջումների մասին: Ուրիշ բան է, որ հիմա անիմաստ է այն քննարկելը: Հայաստանում և Ադրբեջանում տարբեր իրավիճակներ են, տաբեր ձև են հարցը քննարկում: Եթե Հայաստանում բաց խոսում են այս մասին, Ադրբեջանում փոխզիջումների մասին բաց չեն կարող խոսել»,– ասաց նա:
Ալեքսանդր Իսկանդարյանը նշեց, թե այնպես չէ, որ երկրի ղեկավարությունը նոր է խոսում փոխզիջումներից: Ըստ քաղաքագետի՝ պետք չէ ուշադրություն դարձնել բանակցություններից հետո արվող հայտարարություններին, քննարկումներին, որովհետև իրականում հիմա առավել շատ բանակցություններ են ընթանում ոչ թե բանակցային գործընթացում ինչ-որ ելքեր գտնելու համար, այլ առավել շատ իրավիճակի սրումը բացառելու համար:
Քաղաքագետը նաև նկատեց, որ Ադրբեջանը հակված չէ անգամ վերջին հանդիպումներում ձեռքբերված՝ սահմանին վերահսկողություն սահմանելու պայմանավորվածությունը կատարելու։ «Այս ուղղությամբ խնդիրներ կառաջանան»,- ասաց նա:
Tert.am-ի հարցին, թե հնարավոր է, որ Ադրբեջանում սպասվող սահմանադրական փոփոխություններն ազդեցություն կունենան ԼՂ հիմնախնդրի կարգավորման վրա, Ալեքսանդր Իսկանդարյանը պատասխանեց. «Ոչ մի ազդեցություն չունի չի ունենա ԼՂ հիմնախնդրի վրա: Քաղաքագիտական իմաստով՝ Ադրբեջանը վաղուց արդեն Կենտրոնական Ասիա է, նավթային երկիր է: Ֆորմալ առումով փորձելու են ինչ-որ բաներ ամրագրել, բայց շատ բան չի փոխվելու, այն շարունակելու է մնալ ավտորիտար պետություն է և այդ առումով քաղաքականությունը չի փոխվելու»:
