Տնային կալանքի տակ գտնվող՝ ռուսաստաբնակ հայ գործարար Լեւոն Հայրապետյանի խափանման միջոց ընտրելու վերաբերյալ դատական նիստը տեղի կունենա մինչեւ դեկտեմբերի 15-ը:
Լեւոն Հայրապետյանի խափանման միջոցի հարցը կորոշվի մինչեւ դեկտեմբերի 15-ը. ընկեր
ՍՏԵՓԱՆԱԿԵՐՏ, 9 ՆՈՅԵՄԲԵՐԻ, ԱՐՑԱԽՊՐԵՍ: Այս մասին NEWS.am-ին ասաց Հայրապետյանի մտերիմ ընկեր Արթուր Սաֆարյանը:
«Քննությունը շարունակվում է, մինչեւ դեկտեմբերի 15-ն արդեն խափանման միջոցի ընտրության վերաբերյալ նիստը կլինի: Կարծում եմ, որ նորից ժամկետը կերկարացվի եւ խափանման միջոցն էլ տնային կալանքը կընտրվի, քանի որ առողջական վիճակն այնքան էլ լավ չէ, երեք օրը մեկ անգամ հիվանդանոց է գնում, տանն էլ հարազատներն են խնամում»,- ասաց նա:
Արթուր Սաֆարյանը հերքեց տեղեկություններն այն մասին, թե հայ գործարարի դեմ ցուցմունք է տվել եւ իրավապահներին կարեւոր փաստաթղթեր ներկայացրել նրա նախկին կինը՝ ազգությամբ ռուս:
Հիշեցնենք, որ հուլիսի 24-ին Ռուսաստանի Դաշնության Քննչական կոմիտեն «Բաշնեֆտ» ընկերության բաժնետոմսերը հափշտակելու եւ անօրինական ճանապարհով ստացված գումարները յուրացնելու մեջ կասկածվող հայ գործարար Լեւոն Հայրապետյանին մեղադրանքներ է առաջադրել ՌԴ քրեական օրենսգրքի 160-րդ (յուրացում կամ վատնում) եւ 174-րդ (անօրինական ճանապարհով ձեռք բերված միջոցների լվացում) հոդվածներով: Սեպտեմբերի 12-ին Լեւոն Հայրապետյանին եւս մեկ մեղադրանք է առաջադրվել մեքենայության հոդվածով: Հոկտեմբերի 3-ին Մոսկվայի Բասմանի դատարանը փոխել է «Բաշնեֆտի» գործի ֆիգուրանտ, հայտնի հայ գործարար Լեւոն Հայրապետյանի խափանման միջոցը՝ կալանավորումը փոխարինելով տնային կալանքով։
