Ամերիկահայ հաղորդավարուհի Քիմ Քարդաշյանը լուսանկարվել է Իսպանիայի հեղինակավոր ամսագրերից մեկի համար։
Իսպանական նորաձևության հայկական դեմքը` Քիմ Քարդաշյանը կհայտնվի ամսագրի շապիկին
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: Հայտնի հեռուստաաստղ Քիմ Քարդաշյանը նկարահանվել է նորաձևության մասին իսպանական S Moda ամսագրի համար։ Այս մասին ամսագրի հեղինակները գրել են Instagram–ի իրենց էջում, հայտնում է armeniasputnik.am-ը։
Ամսագիրը, որի շապիկը կզարդարի 37–ամյա Քիմը, լույս կտեսնի նոյեմբերի 18–ին։
Հաղորդավարուհու լուսանկարիչը բրիտանացի Դեվիդ Սլայփերն է, իսկ դիմահարդարը` Ֆրանչեսկա Րինչարին։
Ամսագրի հետևորդները միանգամից արձագանքել են Քարդաշյանի նոր լուսանկարին` հիացմունքով լի մեկնաբանություններ գրելով. «Ինչպիսի գեղեցկուհի», «Ազդեցիկ կին… դուք լավ աշխատանք եք արել», «Նա այնքան լավիկն է», «Գեղեցիկ շապիկ է։ Հիանալի է, որ կան մարդիկ, որոնք հասկանում են` Քիմը շատ ազդեցիկ կին է»։
