Սիրիայի կառավարությունը «հիասթափված Է Էր Ռիադում ընդդիմադիր ուժերի խորհրդաժողովի արդյունքներից եւ որոշում Է ընդունել անորոշ ժամանակով հետաձգել պաշտոնական պատվիրակության մեկնումը Ժնեւ»:
Դամասկոսի պատվիրակությունն անորոշ ժամանակով հետաձգել Է իր մեկնումը Ժնեւ. Al Watan
ՍՏԵՓԱՆԱԿԵՐՏ, 27 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին, նոյեմբերի 27-ին հայտնել Է Դամասկոսում հրատարակվող Al Watan թերթը: Նրա տվյալներով՝ ավելի վաղ պլանավորվում Էր, որ կառավարական պատվիրակությունը Ժնեւ կժամանի նոյեմբերի 27-ին՝ մասնակցելու ՄԱԿ-ի հովանու ներքո անցկացվող միջսիրիական բանակցությունների ութերորդ փուլին: Ինչպես նշում Է Al Watan-ը, սիրիական կողմը եգիպտոսցի դիվանագետ Ռամզի Իզեդդին Ռամզիի՝ ՄԱԿ-ի հատուկ դեսպանորդ Ստաֆան դե Միստուրայի տեղակալի հետ նոյեմբերի 25-ին կայացած հանդիպմանը հայտարարել Էր, որ «Էր Ռիադ-2» խորհրդաժողովի ծրագրային փաստաթուղթը բանակցությունների գործընթացը վերադարձնում Է ամենանախնական փուլ»:
Նրա կարծիքով, ընդդիմությունն «անտեսում Է ՄԱԿ-ի Անվտանգության խորհրդի՝ Սիրիայի կարգավորման սկզբունքների վերաբերյալ 2254 բանաձեւի դրույթները եւ նախապայման Է առաջադրում՝ պահանջելով, որ նախագահ Բաշար Ասադն անցումային շրջանի սկզբում հեռանա պաշտոնից»: Ինչպես կարծում են Դամասկոսում, նման դիրքորոշումը չի համապատասխանում քաղաքական գործընթացն սկսելուն, որը պետք Է հանգեցնի յոթնամյա հակամարտության դադարեցմանը Սիրիայում»:
Բացի այդ, ինչպես նշում Է Al Watan-ը, Դամասկոսին չի գոհացնում կառավարության հետ բանակցությունների համար ընդդիմադիր պատվիրակության կազմը, որն ստեղծվել Է Էր Ռիադի խորհրդաժողովի արդյունքներով: Ինչպես նոյեմբերի 24-ին հայտնել Է Al Mayadeen հեռուստաալիքը, Ժնեւում Դամասկոսի ներկայացուցիչների հետ ուղղակի բանակցություններում սիրիական ընդդիմության միասնական պատվիրակությունը գլխավորելու Է Նասր ալ Հարիրին, հաղորդել Է ՏԱՍՍ-ը: