Ավարտվեց մայիսի 5-ին մեկնարկած ավանդական կարատեի «Ararat Cup 2018» միջազգային առաջնությունը, որի ընթացքում իրենց ուժերը չափեցին Հայաստանի, Իրանի, Լեհաստանի, Ուզբեկստանի, Ռուսաստանի, Իսրայելի և Մոլդովայի մարզիկները:

7 մայիսի, 2018, 10:19

Ավանդական Կարատեի Եվրոպայի առաջիկա առաջնություններից մեկը գալիս է Հայաստան. «Ararat Cup 2018»-ի ամենակարևոր արդյունքը

ՍՏԵՓԱՆԱԿԵՐՏ, մայիսի 7, ԱՐՑԱԽՊՐԵՍ-ԱՐՄԵՆՊՐԵՍ: Պատահական չէ, որ հատկապես սեփական հարկի տակ հայ մարզիկները պետք է տպավորիչ արդյունքներ ցույց տային (հիմնական անհատական մրցաձևերի մրցանակային աղյուսակը ստորև):

Հայաստանի Ավանդական Կարատեի ֆեդերացիայի նախագահ սև գոտի 5-րդ դան Սուրեն Մաթևոսյանի կարծիքով՝ մրցաշարը հատկապես կարևոր է երիտասարդ մարզիկների համար, որոնցից շատերի համար սա միջազգային մրցաշարի մասնակցելու առաջին փորձն էր:

«Մի բան է ազգային առաջնություններին մասնակցելը և գրեթե նույն դպրոցի մարզիկների հետ մրցելը, միանգամայն այլ փորձառություն է ուժերն օտարերկրյա մրցակիցների հետ չափելը: Սա չափազանց կարևոր փորձ է երիտասարդ մարզիկների համար, ովքեր առաջիկայում մասնակցելու են Եվրոպայի և աշխարհի առաջնությունների, այլ միջազգային մրցաշարերի»,- նշել է Սուրեն Մաթևոսյանը:

«Ararat Cup 2018-ը» Հայաստանի Ավանդական Կարատեի ֆեդերացիայի միջազգային մրցաշար անցկացնելու առաջին և՝ դատելով արտերկրից ժամանած գործընկերների արձագանքներից, հաջողված փորձն էր: Ինչպես նշեց Ավանդական Կարատեի Համաշխարհային ֆեդերացիայի (WTKF) նախագահ Վլադիմիր Կվիչինսկին, նա շատ տպավորված է կազմակերպչական մակարդակով և ներկայում քննարկվում է Եվրոպայի գալիք առաջնություններից մեկը, գուցե հենց հաջորդը, Հայաստանում անցկացնելու հարցը:

Անհատական կումիտե - 1998 - 2000

1-Արթուր Ղահրամանյան /Հայաստան /

2-Էմիլ Հայրապետյան /Հայաստան /

3-Շիրազ Մարգարյան /Հայաստան /

3-Տիգրան Հովսեփյան /Հայաստան /

Անհատական Կումիտե /մեծահասակներ/

1-Միխալ Սովա /Լեհաստան/

2-Նարեկ Իսկանդարյան /Հայաստան/

3-Նարեկ Մովսիսյան /Հայաստան/

3-Անդրեյ Պետրոսյան /Հայաստան/

Անհատական Կումիտե /աղջիկներ/ 2000- և բարձր

1-Մարիա Դեպտա /Լեհաստան /

2-Արփի Սաֆարյան /Հայաստան/

3-Շահլո Պուլատովա /Ուզբեկստան /

Անհատական կատա 1998-2000

1-Արթուր Ղահրամանյան /Հայաստան /

2-Արշակ Շահնազարյան /Հայաստան /

3-Տիգրան Հովսեփյան /Հայաստան /

3-Էմիլ Հայրապետյան /Հայաստան /

Անհատական կատա /Մեծահասակներ/

1-Վիտոլդ Կվիչինսկի /Լեհաստան /

2-Նարեկ Իսկանդարյան /Հայաստան /

3-Գեղազնիկ Միքայելյան /Հայաստան /

3-Վահե Մխիթարյան /Հայաստան /

Անհատական կատա 2000 և բարձր /աղջիկներ/

1-Մարիա Դեպտա /Լեհաստան /

2-Ագնեշկա Սայդուդկա /Լեհաստան /

3-Արփի Սաֆարյան /Հայաստան /

3-Անաստասիա Դիակովա /Ռուսաստան /