Հայաստանի «Կամխուդ» բարձրլեռնային զորափորձարանում մարտավարական հատուկ վարժանքներ են սկսվել ռուսական ռազմակայանի դիպուկահարների ստորաբաժանման զինծառայողների մասնակցությամբ, որոնք ընթանում են 2015 ուսումնական տարվա ամփոփիչ միջոցառումների շրջանակներում:
Հայաստանի ռուսական ռազմակայանում վարժանքներ են անցկացվում դիպուկահարների մասնակցությամբ
ՍՏԵՓԱՆԱԿԵՐՏ, հոկտեմբերի 21, ԱՐՑԱԽՊՐԵՍ: ՌԴ Հարավային ռազմական օկրուգի մամուլի ծառայության փոխանցմամբ՝ ծովի մակերեւույթից ավելի քան 1,5 հազար մետր բարձրության վրա դիպուկահարները կիրականացնեն բարձրլեռնային կլիմայական բարդ պայմաններում գոյատեւման եւ դիպուկահարների դարանների կազմակերպման գործողություններ: Պարապմունքների ընթացքում մարտականին մոտ պայմաններ ստեղծելու համար լայնորեն կկիրառվեն նմանակման միջոցներ:
Տարվա ընթացքում դիպուկահարներն ավելի քան 380 ուսումնական ժամ յուրացրել են մարտավարական, կրակային, ինժեներային, ալպինիստական, հատուկ եւ այլ պատրաստություն, ընդ որում՝ հատուկ ուշադրություն Է դարձվել լեռնային տեղանքի պայմաններում անհատական նշանառման եւ թիրախների ընտրման կանոններին:
Դիպուկահարների ուսուցման ընթացքում պարապմունքների շուրջ 30 տոկոսն անցկացվել Է օրվա մութ ժամերին՝ գիշերային տեսունակության սարքերի կիրառմամբ:
