Մի շարք հեռանկարային նախագծեր, որոնք կարող են իրագործվել «Մեկ գոտի՝ մեկ ճանապարհ» եւ Եվրասիական տնտեսական միության կայեցակարգերի զուգակցման շրջանակներում, արդեն մշակման փուլում են:
«Մետաքսի ճանապարհի» եւ ԵՏՄ-ի նախագծերի զուգակցման համար Մեդվեդեւը լավ հեռանկարներ է տեսնում
ՍՏԵՓԱՆԱԿԵՐՏ, 7 նոյեմբերի, ԱՐՑԱԽՊՐԵՍ: ՏԱՍՍ-ի փոխանցմամբ՝ Չինաստանի կենտրոնական հեռուստատեսության հետ հարցազրույցում այս մասին հայտարարել է Ռուսաստանի վարչապետ Դմիտրի Մեդվեդեւը:
«Եթե խոսելու լինենք այս երկու մոտեցումների զուգակցման մասին, ապա դրա ուղղակի արտահայտությունը կարող են լինել այն նախագծերը, որոնք կապված են ԵՏՄ եւ Ռուսաստանի տարածքով Չինաստանի միջոցով Արեւմտյան Եվրոպա բեռնափոխադրումների հետ»,- ասել է նա: «Տրանսպորտային այդ միջանցքները, ստեղծվող լոգիստիկան, մեր պատկերացմամբ, բացառիկ կարեւոր եւ հետաքրքիր թեմա է, եւ այժմ այդ տեսակետից մշակման ընթացքում են մի շարք շատ հետաքրքիր գաղափարներ»,- հայտնել է վարչապետը:
Նրա խոսքով՝ «այլ ուղղություններ էլ կան՝ ներառյալ ազգային շուկաների հնարավորությունների օգտագործումը, բարձր տեխնոլոգիաների ասպարեզում առաջարկների նախապատրաստումը եւ արտադրությունների ստեղծումը, ինչպես նաեւ մի ամբողջ շարք ուրիշ նախագծեր, որոնք կձգտենք իրականացնել մեր գործընկերների հետ»: