Ստամբուլի հայկական պարբերականներից «Ակօսի» թղթակից Լուսյեն Քոփարը որոշել է շրջել Ստամբուլի հայաշատ թաղամասերով և պարզել, թե ինչպես են Սուրբ Հարության տոնին նախորդող Մեծ Պահքն անցկացնել պատրաստվում պոլսահայերը:
Ինչպես են անցկացնում Մեծ Պահքը Թուրքիայի հայերը. «Ակօսի» անդրադարձը
ՍՏԵՓԱՆԱԿԵՐՏ, փետրվարի 27, ԱՐՑԱԽՊՐԵՍ: «Առաջինը էլի հարսիս դուռը ծեծեցի, նա էլ, ինչպես միշտ, երկու մեծ ձեռքերը պարզած, աչքերի փայլով ինձ դիմավորեց: Նա պատմեց, ես էլ ձեզ համար գրի առա Բարեկենդանի, Մեծ Պահքի ու Սուրբ Զատկի ուտեստների մասին», - «Ակօսի»-ի փոխանցմամբ՝ գրում է Քոփարը խոսելով Արևմտյան Հայաստանի Մալաթիայի գավառից Ստամբուլ հասած իր ազգականների մասին:
1950-60-ականներին Մալաթիայում մեծացած հայուհիներից Եղիսաբեթ Քոփարը պատմում է, որ պահքի շրջանում վերջիններիս մոտ գերակշռել են ձիթապտղի ձեթով պատրաստվող ուտեստները, չորացած բադրջանով ու բիբարով տոլմաները, լոբով, ու ձավարով ճաշերը, ինչպես նաև ոսպով, բլղուրով, բադրջանով ու սպանախով բուսական կոտլետները՝ քյոֆթեները:
Մալաթիայի հայերի շրջանում մեծ սեր էր վայելում նաև բադրջանով, կաղամբով ու լոլիկով թթուն:
Իսկ ահա Սուրբ Զատկի տոնական սեղանին արդեն գերակշռում է ավանդական չյորեքը, մսային ավդանական տոլման՝ սերկևիլի, լոբու ու խաղողի տերևներով: Մալաթիացիները չէին մոռանում նաև սպանախով ժաժիկի մասին:
Լուսանկարում՝ Սարգիս և Եղիսաբեթ Քոփարները՝ ծնված պատմական Մալաթիայում: