ԵԱՏՀ-ի խորհուրդը հաստատել Է եթերային սպիրտների եւ դրանց ածանցյալների ներմուծման մաքսատուրքերի զրոյացումը, որոնք լայնորեն կիրառվում են կոշիկի արտադրության մեջ: Կաշեգործների եւ կոշկագործների ռուսաստանյան միության գնահատումների համաձայն, դա պետք Է թույլ տա ճյուղի ձեռնարկությունների ծախսերը կրճատել տարեկան 735,3 հազար ԱՄՆ-ի դոլարով եւ արտադրության շահութաբերությունն ընթացիկ մակարդակի համեմատությամբ բարձրացնել 13 տոկոսով: 

Որոշվել Է «Խաղալիքների անվտանգության մասին» ԵԱՏՄ-ի տեխնիկական կանոնակարգում ներառել մի շարք նոր դրույթներ, որոնք, մասնավորապես, նպատակամղված են մագնիսական տարրեր պարունակող արտադրանքի անվտանգության ապահովմանը: Անհրաժեշտ Է համարվել բացառել մի շարք կրկնորդող նորմերի առկայությունը կարանտինային ֆիտոսանիտարական հսկողության ոլորտում, որն իրականացվում Է ԵԱՏՄ ենթակարանտինային արտադրանքի ներկրման եւ անդամ պետությունների միջեւ դրա տեղաշարժման ընթացքում: Այս որոշումը նպաստելու Է առեւտրի չհիմնավորված վարչական խոչընդոտների վերացմանը եւ կոնֆլիկտային իրավիճակների կրճատմանը կարանտինային ֆիտոսանիտարական հսկողություն իրականացնելիս: 

ԵԱՏՀ-ի խորհուրդը նաեւ որոշել Է փոփոխություններ կատարել «Պայթուցիկ նյութերի եւ դրանց հիման վրա պատրաստված իրերի անվտանգության մասին» տեխնիկական կանոնակարգում: Պայթուցիկ նյութերի մակնշում նախատեսող նորմայի գործողությունն սկսելու ժամկետը տեղափոխվել Է 2021 թվականիտ հունվարի 1: Կանոնակարգը նորմատիվորեն ամրագրում Է ԵԱՏՄ-ի երկրներում պայթուցիկ այն նյութերի շրջանառությունը, որոնք կիրառվում են արդյունաբերության ածխի, նավթի, գազի եւ մի շարք այլ ճյուղերում: 

Ինչ վերաբերում Է եթերային սպիրտների եւ դրանց ածանցյալների ներմուծման մաքսատուրքերի զրոյացման որոշմանը, ԵԱՏՀ-ի առեւտրի գծով կոլեգիայի անդամ (նախարար) Վերոնիկա Նիկիշինան նշել Է, որ այդ միջոցը գործելու Է մինչեւ 2019 թվականի փետրվարի 28-ը ներառյալ: