Շուշիի Մկրտիչ Խանդամիրյանի անվան պետական դրամատիկական թատրոնը Մարտունիում այսօր ներկայացրել է «Անահիտ» բեմադրությունը:
Արցախում տարեցտարի աշխուժանում է թատերական կյանքը. թատրոնի տնօրեն
ՍՏԵՓԱՆԱԿԵՐՏ, մարտի 27, ԱՐՑԱԽՊՐԵՍ: «Արցախպրես»-ի թղթակցի հետ զրույցում Շուշիի Մկրտիչ Խանդամիրյանի անվան պետական դրամատիկական թատրոնի տնօրեն Աշխեն Հարությունյանը նշել է, որ տիկնիկային ներկայացումներին ավելի շատ հանդիսատես է լինում, քան դրամատիկական բեմադրություններին:
«Ասեմ նաև, որ ամեն ինչ կախված է ներկայացման տեսակից, ասելիքից, թեմայից ու դերասանների խաղից: Հասարակություն-թատրոն կապը պետք է էլ ավելի սերտացնենք, որ հանդիսատեսին ավելի կապենք թատերական կյանքին:
Ուրախալին այն է, որ Արցախում տարեցտարի աշխուժանում է թատերական կյանքը,- տեղեկացրել է Ա. Հարությունյանը և հավելել,- շուտով լրանալու է մեր թատրոնի տասնամյակը, որի առթիվ էլ Շուշիում կբացվի 350 տեղանոց նոր դահլիճ, իսկ 2 տարի առաջ էլ տիկնիկային թատրոնի շենքն է մեզ տրամադրվել»:
Թատրոնի միջազգային տոնի առթիվ Ա. Հարությունյանը շնորհավորել է թատերարվեստի ներկայացուցիչներին՝ մաղթելով նրանց տոկունություն, եռանդ, նոր գաղափարներ, գեղեցիկ խաղ, լեփ-լեցուն դահլիճներ:
