Ֆրանսիայի նախագահ Ֆրանսուա Օլանդը հանրապետության Նախարարների խորհրդի վերջին նիստն է անցկացրել Ելիսեյան պալատում:
Օլանդը Նախարարների խորհրդի վերջին նիստն է անցկացրել պաշտոնաթողությունից առաջ
ՍՏԵՓԱՆԱԿԵՐՏ, 10 մայիսի, ԱՐՑԱԽՊՐԵՍ-ԱՐՄԵՆՊՐԵՍ: Կառավարությունը վերջին նիստն է գումարել նրա պաշտոնաթողությունից առաջ եւ հավաքվել է ամբողջ կազմով. խորհրդի նիստին մասնակցել են բոլոր 17 նախարարները եւ 20 պետական քարտուղարները:
«Կառավարությունը միաձայն շնորհակալություն եւ երախտագիտություն է հայտնել հանրապետության նախագահին նրա աշխատանքի համար, որը նա վերջին հինգ տարվա ընթացքում կատարել է ինչպես երկրում, այնպես էլ միջազգային ասպարեզում»,-նիստի ավարտից հետո լրագրողներին ասել է Ֆրանսիայի վարչապետ Բեռնար Կազնյովը:
Օլանդն ինքը Ելիսեյան պալատի շեմին ջերմորեն հրաժեշտ է տվել նախարարների կաբինետի բոլոր անդամներին, բայց նիստի ավարտին ելույթ չի ունեցել, հաղորդել է ՏԱՍՍ-ը: