Բահրեյնում կանխվել են մի շարք ահաբեկչական գործողություններ։
Բահրեյնի ՆԳՆ-ն հայտնել է մի շարք ահաբեկչական գործողությունների կանխման մասին
ՍՏԵՓԱՆԱԿԵՐՏ, մարտի 3, ԱՐՑԱԽՊՐԵՍ: Այս մասին ասվում է Թագավորության ներքին գործերի նախարարության հայտարարության մեջ, հաղորդում է ՏԱՍՍ-ը՝ հղում անելով Sky News Arabia հեռուստալիքին: Ձերբակալվել է 116 մարդ, որոնք նույն ահաբեկչական կազմակերպության անդամ են: Նրանք հարձակումներ էին պատրաստել նավթի եւ սոցիալական ենթակառուցվածքների օբյեկտների վրա, ինչպես նաեւ հարձակումներ երկրի իրավապահ մարմինների ղեկավարների եւ բարձրաստիճան ներկայացուցիչների վրա:
Ներքին գործերի նախարարության տվյալներով, «ձերբակալվածները խոստովանել են, որ իրենք պատրաստվել են Իսլամական հեղափոխական պահապանների կորպուսի կողմից» (ԻՀՊԿ, Իրանի Իսլամական Հանրապետության Զինված Ուժերի էլիտար հատվածներ), ինչպես նաեւ Լիբանանի իրանամետ շիիթական «Հիզբոլլահի» եւ Իրաքի շիիթական կիսառազմականացված «Ասաիբ Ահլ- Ալ-Հաք» կազմավորումները:
Հունվարի վերջին թագավորությունում երկու մարդ մահապատժի էր ենթարկվել, եւս 19-ը դատապարտվել էին ցմահ բանտարկության` ահաբեկչական համայնքի ներգրավման կասկածանքով Գերագույն քրեական դատարանի որոշմամբ:
Դատապարտյալներին մեղադրանք է առաջադրվել ահաբեկչական խմբավորման գործունեության, հրազենի եւ պայթուցիկ նյութերի օգտագործման, պահպանման եւ տարածման, ինչպես նաեւ անվտանգության ուժերի անդամների վրա հարձակումների կատարման մեջ: Նշվում է, որ եւս 37 դատապարտյալներ հինգից մինչեւ 15 տարի ազատազրկում են ստացել, իսկ մեղադրյալների ընդհանուր թվից 47-ը զրկվել են թագավորության քաղաքացիությունից: Երկու կասկածյալները արդարացվել են:
